Dilsay
1
Gam kaa vo zor ab mere andar nahii.n rahaa
is umr me.n mai.n itanaa samar_var nahii.n rahaa
is ghar me.n jo kashish thii ga_ii un dino.n ke saath
is ghar kaa saayaa ab mere sar par nahii.n rahaa
vo husn-e-naubahaar abad shauq jism sun
rahanaa thaa us ko saath mere par nahii.n rahaa
mujh me.n hii kuchh kamii thii ki behatar mai.n un se thaa
mai.n shahar me.n kisii ke baraabar nahii.n rahaa
rahabar ko un ke haal kii ho kis tarah Khabar
logo.n ke daramiyaa.N vo aakar nahii.n rahaa
vaapas na jaa vahaa.N ki tere shahar me.n ‘Munir’
jo jis jagah pe thaa vo vahaa.N par nahii.n rahaa
Dilsay
2
hameshaa der kar detaa huu.N mai.n
zaruurii baat kahanii ho
koii vaadaa nibhaanaa ho
use aavaaz denii ho
use vaapas bulaanaa ho
hameshaa der kar detaa huu.N mai.n
madad karanii ho usakii
yaar kii dhaa.Das ba.Ndhaanaa ho
bahut deriinaa raasto.n par
kisii se milane jaanaa ho
hameshaa der kar detaa huu.N mai.n
badalate mausamo.n kii sair me.n
dil ko lagaanaa ho
kisii ko yaad rakhanaa ho
kisii ko bhuul jaanaa ho
hameshaa der kar detaa huu.N mai.n
kisii ko maut se pahale
kisii Gam se bachaanaa ho
haqiiqat aur thii kuchh
us ko jaa ke ye bataanaa ho
hameshaa der kar detaa huu.N mai.n