**Ghar se door rehne walay ke leye ek nazm**
**
Jo ghar se door hotay hain
Bahut majboor hotay hain
Kabhi baaghoon mein sotay hain
Gharoon ko yaad kartay hain
Tu phir fareyaad kartay hain
Magar jo be-sahaara hoon
Gharoon se be-kinaara hoon
Unhain ghar kaun deta hai
Yeh khatra kaun laita hai
Makanoo ke jo maalik hain
Jo foot-pathoon ke khaliq hain
Gharoon ko baant dete hain
Charoon ko daant dete hain
Bari mushkil se ek kamra
Jahaan koi na ho rehta
Nagar se paar milta hai
Tu phir do teen hum jaise
Mila letay hain sab paisay
Aur aapas mein yeh kehtay hain
Ke mil jul kar hi rehtay hain
Koi khaana banaayega
Koi jhaaroo lagaayega
Koi dhoyega sab kapray
Tu reh lenge baray sukh se
Magar garmi bhari raatain
Tappish aalood sougaatain
Aur uper se woh band kamra
Ghuttan aur habs ka phehra
Thakkan se choor hotay hain
Sukoon se door hotay hain
Jab apna kaam kar ke hum
Palat'tay hain tu aankhain nam
Makaan weeraan milta hai
Bara be-jaan milta hai
Khushi maadoom rehti hai
Fiza maghmoom rehti hai
Baray ranjoor kyon naa hoon
Baray majboor kyon naa hoon
Awaail mein maheenay ke
Sab apne khoon paseenay ke
Jo paise jor letay hain
Gharoon ko bhaij dete hain
Aur apne khat mein likhtay hain
Hum apna dheyaan rakhtay hain
Bari khush bakht ghareyaan hain
Yahaan khushiyaan hi khushiyaan hain
Bahut ji chaahatay hai tab
Ke maa ko bhaij de yaa rab
Jo apni gaud mein le kar
Humein thandi hawa de kar
Sula day neend kuch aisi
Jo naa totay kisi pal bhi
Magar kuch bhi nahee hota
Tu kar letay hain samjhoota
Koi dil mein bilak'ta hai
Koi pehroo sulaghta hai ...**
bohat khoob...
lagta hai aap nay ya hamaray liya leekhi hai
:)