*gham ki baarish ne bhi tere naqsh ko dhoyaa nahin
toone mujh ko kho diyaa main ne tujhe khoyaa nahin
neend kaa halkaa gulaabi-saa khumaar aankhon main thaa
yoon lagaa jaise vo shab ko der tak soyaa nahin
har taraf deevaar-o-dar aur un main aankhon kaa hujoom
kah sake jo dil ki haalat vo lab-e-goyaa nahin
jurm aadam ne kiyaa aur nasl-e-aadam ko sazaa
kaatataa hoon zindagii bhar main ne jo boyaa nahin
jaantaa hoon ek aise shakhs ko main bhi ‘Munir’
gham se patthar ho gayaa lekin kabhi royaa nahin*
**
~~~~~~~~
Munir Niazi
~~~~*~~~~