bachpan main aur ab bhi ek game khailta tha kay fot path pay chaltay howay foot path ki lines pay pair ( foot) na ajay ..agar pair ajata to ghalti consider ki jati thee…
nazm ka unwan hay GHALTIAN
kaheen pair na par jay
eent kay rastay pay bani
in lainoon pay
aa gaya jo pair
to main phir say har jaonga
jeet jaingay phir say
yeah waqt yeah sooraj yeah chand aur sitaray
itni mudat say chaltay aai hain
apnay pairoon ko bachatay
in hi lainoon say
pair phir bhi
par hi jatay hain
hum aur tum
bichar hi jatay hain
kash dho daloon
in lainoon ko main
bhardon apni khoon ki matti say
inkay yeah nasheb o faraz
phir! najanay
wo rasta
mera! hoga bhi kay nahi
roz bhool jatay ho tum bhi
kay in hi lainoon main hay pinha
mera rasta
meri manzil
meri pehchan
hum khatawar na hon to aur kon hoga
ik khata hi to hay tojeh teray wajood ki is dunya main
by. khamosh rat