Yeh nazam main nay General Hospital Lahore mein likhi thi.
** Keya karain woh
Dard jinki ragoon mein zehr ban geya hai
Zabt baan ki geeli rasiyon ki manind
Jakarta chala ja raha hai
Nahi hai madawa koi
Nahi koi chara gar
Nahi chara gar koi esa jo is dard ko jaan paye
Keh is dard ki koi anatomy hi nahi hai
Nahi koi C.T. Scan iska
Kisi M.R. ki imaging iski
Tasweer keya khainch paye
keh dard ki koi shakal soorat nahi hai
Yeh dard maas khora hai rooh aur badan ka
Yeh taqweem kay sab say khoob ro ahsan ko ghun ki tarha
Yoon chaat jata hai
Keh bas phok baqi reh jata hai
Bas khol baqi hai
Na aankhain na seena, na umeed ki koi nanhi kiran
Bas ik khof ka afreet bheenchay laboon aur thehri hoi
Bay noor akhiyon ki janib ura aa raha hai**
Shan. 12.06.2006. Lahore.