Gayee Ruton Mein To Shaam-O-Sahar Na They Aise

Arts & Culture Poetry ( Intikhaab & Sho'ra-e-Gupshup)
1

**Gayee Ruton Mein To Shaam-O-Sahar Na They Aise
Ke Ham Udaas Bohat They Magar Na They Aise

Yahan Bhi Phool Se Chehre Dikhayee Dete Hain
Ye Ab Jo Hain Yehi Deewar-O-Dar Na They Aise

Miley To Khair Na Milne Pe Ranjishein Kaisi
Ke Us Se Apne Marasim They Par Na They Aise

Hamee They Jo Tere Aane Talak Jaley Warna
Sabhi Charagh Sar-E-Rahguzar Na They Aise

Dil-E-Tabah Tujhe Or Kya Tasalli Dein
Tere Naseeb Tere Chaaraagar Na They Aise

Faraz Khush Ho Ke Ahsaan Us Sitamgar Ke
Jo Tujh Pe Hain Wo Kisi Or Par Na They Aise**

2

Re: Gayee Ruton Mein To Shaam-O-Sahar Na They Aise

**Miley To Khair Na Milne Pe Ranjishein Kaisi
Ke Us Se Apne Marasim They Par Na They Aise

ye Marasim hain ya Time-Pass
**

3

Re: Gayee Ruton Mein To Shaam-O-Sahar Na They Aise

:nahi:

Yak Tarfa Traffic tha…

4

Re: Gayee Ruton Mein To Shaam-O-Sahar Na They Aise

phir to boht traffic jam hota hoga.. wrong side se aane walon ki waja se

5

Re: Gayee Ruton Mein To Shaam-O-Sahar Na They Aise

ji

......or sitam ye k koi signal bhi nhi.......:teary3: