Gaye dino.n kaa suraaG lekar kidhar se aayaa kidhar gayaa vo
ajiib maanoos ajanabii thaa mujhe to hairaan kar gayaa vo
Khushii kii rut ho ke Gham kaa mausum nazar use Dhuunti hai har dam
vo buu-e-gul thaa ke naGhmaa-e-jaan mere to dil mein utar gayaa vo
kuchh ab sambhalane lagii hai jaaN bhii badal chalaa rang aasmaaN bhii
jo raat bhaarii thii Tal ga_ii hai jo din kar’a thaa guzar gayaa vo
shikastaa_paa raah mein kharaa huuN gaye dinon ko bulaa rahaa huuN
jo qaafilaa meraa ham_safar thaa misl-e-gard-e-safar gayaa vo
bas ek manzil hai bul_havas kii hazaar raste hain ahal-e-dil ke
ye hii to hai farq mujh mein us mein.. guzar gayaa main Thahar gayaa vo
vo hijr ki raat kaa sitaara vo ham_nafas ham_suKhan hamaaraa
sadaa rahe us kaa naam pyaaraa sunaa hai kal raat mar gayaa vo
bas ek motii sii chhab dikhaakar bas ek meeThii sii dhun sunaa kar
sitaaraa-e-shaam ban ke aayaa barang-e-Khayaal-e-sahar gayaa vo
na ab vo yaadon kaa charhtaa dariyaa na fursaton kii udaas barkhaa
yuuN hii zaraa sii kasak hai dil mey jo zaKhm gaharaa thaa bhar gayaa vo
Nasir Kaazmi
still kuch alfaaz meri samhj mey nahin aaey aur yeh incomplete bhi hey phir bhi achi lagi mujhey:-)
K_Khan
2
very nice … :k:
here is the complete version
gaye dino.n kaa suraaG lekar kidhar se aayaa kidhar gayaa vo
ajiib maanuus ajanabii thaa mujhe to hairaan kar gayaa vo
Khushii kii rut ho ke Gam kaa mausum nazar use Dhuu.NDhatii hai har dam
vo buu-e-gul thaa ke naGmaa-e-jaan mere to dil me.n utar gayaa vo
vo maikade ko jagaanevaalaa vo raat kii niind u.Daanevaalaa
na jaane kyaa us ke jii me.n aa_ii ki shaam hote hii ghar gayaa vo
kuchh ab sambhalane lagii hai jaa.N bhii badal chalaa rang aasmaa.N bhii
jo raat bhaarii thii Tal ga_ii hai jo din ka.Daa thaa guzar gayaa vo
shikastaa_paa raah me.n kha.Daa huu.N gaye dino.n ko bulaa rahaa huu.N
jo qaafilaa meraa ham_safar thaa misl-e-gard-e-safar gayaa vo
bas ek manzil hai bul_havas kii hazaar raste hai.n ahal-e-dil ke
ye hii to hai farq mujh me.n us me.n guzar gayaa mai.n Thahar gayaa vo
vo jis ke shaane pe haath rakh kar safar kiyaa tuune mannzilo.n kaa
terii galii se na jaane kyuu.N aaj sar jhukaaye guzar gayaa vo
vo hijr ki raat kaa sitaara vo ham_nafas ham_suKhan hamaaraa
sadaa rahe us kaa naam pyaaraa sunaa hai kal raat mar gayaa vo
bas ek motii sii chhab dikhaakar bas ek miiThii sii dhun sunaa kar
sitaaraa-e-shaam ban ke aayaa barang-e-Khayaal-e-sahar gayaa vo
na ab vo yaado.n kaa cha.Dhataa dariyaa na fursato.n kii udaas barkhaa
yuu.N hii zaraa sii kasak hai dil me.n jo zaKhm gaharaa thaa bhar gayaa vo
vo raat kaa benavaa musaafir vo teraa shaayar vo teraa ‘Nasir’
terii galii tak to ham ne dekhaa phir na jaane kidhar gayaa vo
I really luv this ghazal…:k:
Thanks for sharin..
:k:
thanks kamran! n everyone:-)