Gardishon ke hain maare huay na....

Arts & Culture Poetry ( Intikhaab & Sho'ra-e-Gupshup)
1

Gardishon ke hain maare huay na
Gardishon ke hain maare huay na
dushmanon ke sataaye huay hain
Jitnay bhi zakhm hain mere dil par
doston ke lagaaye huay hain

Ishq ko roug maar dete hain
aqal ko soug maar dete hain
aadmi khud ba khud nahin marta
doosray loug maar dete hain

Jitnay bhi zakhm hain mere dil par
doston ke lagaaye huay hain

Loug kaanton se bach ke chalte hain
hum ne phoolon se zakhm khaaye hain
tum to ghairon ki baat karte ho
hum ne apne bhi aazmaaye hain
Jitnay bhi zakhm hain mere dil par
doston ke lagaaye huay hain

Kaasa-e-deed le ke dunya main
main ne deedar ki gadaai ki
Kaasa-e-deed le ke dunya main
main ne deedar ki gadaai ki
mere jitnay bhi yaar they sab ne
hasb-e-taufeeq bewafaai ki
Jitnay bhi zakhm hain mere dil par
doston ke lagaaye huay hain

Jab se dekha tera qadd-o-qaamat
Jab se dekha tera qadd-o-qaamat
…
tumhain dekha to zaahid ne kaha deewangi yeh hai
ke ke ab insaan ko sajda nawa hone ka waqt aaya
…
ae mast-e-naaz dekhne walon ke dil to dekh
pamaal ho gae tere raftaar dekh kar
…
Jab se dekha tera qadd-o-qaamat
Jab se dekha tera qadd-o-qaamat
…
Giraya..giraya…hath se…sheesha…suraahi tor di main ne
Sharaab…seekh main daali. kabaab sheeshay main
…
In aankhon se…in aankhon se qayamat ki nishaani kaun dekhay ga
bout-e-kaafir…teri uthti jawani kaun dekhay ga
…
Jab se dekha tera qadd-o-qaamat
dil pae tooti hui hai qayamat
har bala se rahe tu salaamat
din jawaani ke aaye huay hain
har bala se rahe tu salaamat
din jawaani ke aaye huay hain

aur day mujh ko day aur saaqi
aur day mujh ko day aur saaqi
qareeb aur bhi aao ke shauq-e-deed mitay
sharaab aur pilao ke kuch nashaa utray

Jitnay bhi zakhm hain mere dil par
doston ke lagaaye huay hain

apne dil-e-sad.chaak ko see sakta hoon
mehroom-e-karam ho ke bhi jee sakta hoon
mouqoof nahin jaam pae rindi mairi
saaqi tere ghussay ko bhi peeeee sakta hoon

Jitnay bhi zakhm hain mere dil par
doston ke lagaaye huay hain

aur day mujh ko day aur saaqi
aur day mujh ko day aur saaqi
hosh rehta hai thora sa baaqi
aaj talkhi bhi hai inteha ki
aaj talkhi bhi hai inteha ki
aaj woh bhi paraaye huay hain

kal thay aabaad pehlu main maire
kal thay aabaad pehlu main maire
ab hain ghairon ki mehfil main dairay

mairi mehfil main kar ke andhairay
mairi mehfil main kar ke andhairay
apni mehfil sajaaye huay hain

apne haathon se khanjar chala kar
apne haathon se khanjar chala kar
kitna maasoom chehra bana kar
kitna maasoom chehra bana kar
apne kaandhon pe ab mere qaatil
apne kaandhon pe ab mere qaatil
mere mayyat uthaaye huay hain

mehwashon ko wafa se kia matlab
mehwashon ko wafa se kia matlab
in butoun ko khuda se kia matlab
in butoun ko khuda se kia matlab
in ki maasoom nazron ne naasir
loug paagal banaye huay hain

Gardishon ke hain maare huay na
dushmanon ke sataaye huay hain
Qawwali by the legendary NFAK-mairi pasandida qawwalion main se aik

2

bohat khoob :k:

3

Buhat khoob:k:..
Thnx For Sharing:flower1:…
:k:..

4

Buhat khoob Khanzaday :k:

5

sari parhi tu nahi but chando aur capo kah rahay tu achi hona hia :)

6

Superb :k::k::k:

7

Thats good Umer :k:

8

wah khanzada sahab............thnx for sharing
p.s. itni mehnat ki hai:P

9

[QUOTE]
*Originally posted by Paglee: *
sari parhi tu nahi but chando aur capo kah rahay tu achi hona hia :)
[/QUOTE]

paglee siso ap to waqie paglee ho itni mashoor ghazal apnay suni
nahi :-

10

wah…zabardast :k:

11

Shukriya. Aap sab naik loug hain :~)

12

Good veru nice,
Bohat Khoob,
Shabash :):):)

13

:teary3: suni tu thei but Ata ki awaz main na ..is ki awaz main nahi suni miss kar de some how..:slight_smile: