Gar Mujhey Iska yaqeen ho…
merey hamdam, merey dost,
gar mujhey iska yaqeen ho,
k terey dil ki thakan,
***teri aankhon ki udasi, ***
terey seeney ki jalan,
meri diljoi,merey pyar sey mit jaey gi,
gar mera harf-e-tasali woh dawa ho,
jis sey, bheeg uthey phir tera ujra hua beynoor dimagh,
teri paishani sey dhul jaein gey tazlil k daagh,
teri beemar jawani ko shafa ho jaey,
gar mujhey iska yaqeen ho,
merey hamdam,merey dost,
roz o shab sham o sehar,
mein tujhey behlata rahon,
mein tujhey geet sunata rahon,
halkey, sheerein,
***aabsharon k, baharon k, chaman zaron k geet, ***
han magar subh k, siyaron k geet,
tujhsey mein husn o mohabbat ki,
hiqayaat kahon…
kaisey maghroor haseenaon k
barfaab sey jism
garm haathon ki hararat sey pighal jatey hein,
aisey ik chehrey k thehrey huey manoos naqoosh,
***daikhtey daikhtey yaklakht badal jatey hein, ***
kis tarah aariz-e-mehboob ka shafaf dimagh,
yakbayak bada-e-ahmer sey dehak jata hai,
kaisey gul cheen k liye jhukti hai khud shakh-e-gulab,
jistarah raat ka eeman badal jata hai,
younhi gata rahon…
***gata rahon…***teri khatir,
geet bunta rahon…teri khatir…
par merey…
geet terey…dukh ka madawa hi nahein,
naghma jaraah nahein,
***moonis o ghamkhwar sahi, ***
geet nashtar to nahein,
***par gham e azaar sahi, ***
***terey aazaar ka, ***
terey aazaar ka…hara nahein…
nashtar k siwa…
***aur yeh saffaq maseeha ***
merey qabzey mein nahein,
iss jahan k kisi zi rooh k qabzey mein nahein,
han magar…terey siwa…
terey siwa…!!!
Re: Gar mujhey iska yaqeen ho.....
wrong forum I m afraid :P thats not yours
Re: Gar mujhey iska yaqeen ho…
fiz dair aaye durust aaye 
Re: Gar mujhey iska yaqeen ho.....
its Awesome tehreer!!!
gr8:)
Re: Gar mujhey iska yaqeen ho.....
gud one :)
Re: Gar mujhey iska yaqeen ho…
wah! bohut khoobsurat :k:
Re: Gar mujhey iska yaqeen ho.....
wrong forum I m afraid :P thats not yours
sorry i thought i'm writing in intikhab but thanx to amal dat she has shifted this thread to its original place.....sorry once again coz its just an intikhaab not my own.
Re: Gar mujhey iska yaqeen ho…
Re: Gar mujhey iska yaqeen ho.....
Beautiful..
Re: Gar mujhey iska yaqeen ho.....
SHUKRIYA AAP SUB KA :)