Gam-e-aashiqi se kah do raah-e-aam tak na pahunche
mujhe Khauf hai ye tohmat mere naam tak na pahunche
main nazar se pee raha tha to ye dil ne bad-dua dii
tera haath zindagi bhar kabii jaam tak na pahu.Nche
nai subah par nazar hai magar aah ye bhi Dar hai
ye sahar bhi rafta raftaa kahi shaam tak na pahunche
vo navaa-e-muzamahil kya na ho jis me.n dil ki dhacakan
vo sadaa-e-ahale-dil kya jo avaam tak na pahunche
u.nhe.n apane dil ki Khabare.n mere dil se mil rahi hai.n
main jo unase ruuTh jaauun to payaam tak na pahunche
ye adaa-e-beniaazi tujhe bevafaa mubaarak
magar aisii beruKhi kyaa ke salam tak na pahunche
jo naqaab-e-ruKh uThaa di to ye qaid bhii lagaa di
uThe har nigaah lekin koi baam tak na pahunche
vahi ik Khamosh nagmaa hai “Shakeel” jaan-e-hasti
jo zubaan tak na aaye jo qalaam tak na pahunche