[RIGHT]فرصت ہی نہیں ملتی
.
ہم بیٹھ لیں کچھ گھڑیاں
بیتے ہوئے موسم کی
یادوں کی کوئی کھڑکی
کھولیں تو ہوا مہکے
اندر کا کوئی پنچھی
نظموں میں کہیں چہکے
.
کچھ خواب تھکے ہارے
بے چین سے بیٹھے ہیں
رکتے ہی نہیں پل بھر
رک جائیں تو نظمیں ہوں
.
وہ صبح نہیں آئی
جب نور سے جل تھل ہوں
بے نور سی یہ آنکھیں
.
اک شوق کی حدت ہو
جو عمر ہتھیلی میں
بے فیض لکیروں سے
آگے کہیں لے جائے
.
دنیا کے جھمیلوں سے
فرصت ہمیں مل جائے
[/RIGHT]
Fursat hi nahi milti …
hum beth lein kuch ghariyaan
beete huey mausam ki
yaadoa’n ki koi khirki
kholein tu hawa mehke
ander ka koi panchi
nazmoa’n mei kahi chehke
kuch khawab thake haare
be-chain se bethe hain
rukte hi nahi pal bhar
ruk jaayein tu nazmein hoan
wo subah nahi aayi
jab noor se jal thal hoan
be-noor si ye aankhein
ik shoq ki hiddat ho
jo umer hatheli mei
be-faiz lakeeroan se
aage kahi le jaaye
duniya ke jhameeloa’n se
fursat hame mil jaaye…