Few ghazals.....

Arts & Culture Poetry ( Intikhaab & Sho'ra-e-Gupshup)
1

Khailnay kay vaastay, ab dil kisi ka chahiyey
Umar aisee hai, ki tumko ik khilona chahiyey !

Mujko kahiyey, haath mein mehndi lagana hai agar,
Khoon-e-dil doon ya, ki phir khoon-e-tamana chahiyey !

Bazm mein aao kisi din, kar kay tum saulah singaar,
Ik qayamat waqt say pehlay bhi aaana chahiyey !

Tum kaho to mar bhi jaoon main, magar ik sharat hai,
Bas kafan kay vaastay aanchal tumhara chahiyey !

Kal talak tha dil zaroori rah-e-ulfat mein ‘Sahil’,
Aaj kay is daur mein chandi-o-sona chahiyey !

2

Gham-e-dil ki wadi mein yeh khushi ke chand lamhay
Inhein jaan lo ganemat ke yeh lamhay kal na honge

Abhi chand hasratoo ka lab-e-jaan chamak raha hai
Abhi saans hai munawwar, abhi dil bhi damak raha hai

Abhi dharkanoo ki ahat koi geet ga rahi hai
Abhi kurbatoo ki lazzat humein gudguda rahi hai

Magar ek din yeh ghariyan yeh hasin pal na honge
Inhein jan lo ganemat ke yeh lamhay kal na honge

3

Auron ko kush karte rahe aur khud gham sehte rahe
Zindagi bhar hum ek gham gusaar ki talaash karte rahe

Na koi hamraaz mila, na koi hamsafar ka saath
Jahan bhi gaye, sirf yaad-e-maazi ko saath karte rahe

Hain rooh ussi dehleez par, bas jism hain yahan
Kiska hain yeh kasoor, bas yahi sochthe rahe

Yoon tou manzil saamne thi magar hamen na thi koi talab
Karavan guzarthe rahe aur hum sirf dekthe rahe

Khud pe afsos karne se ab kya fayda hoga, 'Sahil'
Tum apne liye kab, siraf doosron ke liye jeethe rahe

4

:k:

5

:k: nice :k:

6

wow!!
each ghazal is beautiful:k::k::k:
thanks for sharing:flower1:

7

Thanks Dilsay and yes the stuff is :k:

8

Thanks every one....

9

**
Dekha tu mera saaya bhi mujh se juda mila
Socha tu har kaisi se mera silsila mila

Sheher-e-wafa mein ab kissay ehl-e-wafa kahain
Hum se gale mila tu wohi bewafa mila

Fursat kisay thee jo mere halaat poochta
Har shaks apne bare mein kuch sochta mila

Us ne tu khair apno se mora thaa monh haya
Main ne yeh kya kiya ke main gairoo se ja mila

**

10

**
~~~~*

Tumhain Bhool jaane ka haq hai agar
Hamain haq muhabbat nibhane ka hai
Abhi se tumhain kya bataain bhala
Ke anjaam kya is fasaane ka hai

Wafaon ke rishte nahin tootete
Ye bandhan bandhain to nahin choohtete
Zara ye unhe bhi bata de koi
Jinhain shoq daaman chuhraane ka hai

Nazar mein koi ho dil mein koi
Kisi se wafa aur kisi se sitam
Humain tumsay koi shikayat nahin
Yeh dastoor saaray zamaanay ka hay

Humaaray liye thii Jo Dil ki Lagi
Kisi kay liye Dil-lagi ban gai
Humain yoon hansaaya keh hum ro diye
Tareeqa neyaa Dil lagaanay ka hay

Tumhain bhool jaane ka haq hai agar
Hamain haq muhabbat nibhane ka hai

~~~~~
**

11

its really nice

the poems by u r really nice keep ur hard work up:)

12

**Dey gaya mujhey woo shaks Talkhiyan Zamaney ki
Aao aik kooshish ker lein usko bhool janey ki
Be-Rabt si Batein uski be-yaqeen sa lehja tha
Baat woo kia kerta tha zindagi nibha'ney ki

Dekh ker kissi ko aaj yaad aata hey woo shaks
Jiss ki her adaa hoti thi bhool bhool janey ki

Jab gaya tu uss ney Murr ker phir mujhey nahee dekha
Dastaa'n joo sun li hoo gi Path'raey janey ki

Aaj kal woo mujh ko aksar yaad aata hey Saahil
Aarzo Mujhey thi Jiss key choor ker na janey ki **

13

**Runj kitna bhi karain un ka zamanay walay
Janay walay to nahein laut kar aanay walay

Kitni bayfaiz se reh jati hai dil ke basti
Kitnay chupchaap chalay jatay hein janay walay

Aik pal cheen kar insaan ko lay jata hai
Peechay reh jatay hein sab saath nibhanay walay

Log kehtay hein keh tu door ufak paar gaya
Kya kahoon aay meray dil mein utar jaanay walay

Janay walay teray markadam pay kharra sochta hon
Khawab he ho gaye tabeer batanay walay

Har naya zakhm kisee aur kay seenay ka shaurr
Chairr dayta hai meray zakhm puranay walay **

14

**
Yeh daulat bhi le lo yeh shohrat bhi le lo
Bhallay cheen lo mujh se meri jawaani
Magar mujh ko lauta do bachpan ka saawan
Woh kaghaz ki kashti woh baarish ka paani

Mohallay ke sab se nishaani puraani
Woh burreyya jissay bachay kehtay thay naani
Woh naani ki baatoon mein pareyoon ka daira
Woh chehray ki jhurreyoo mein sadeyoon ka phaira
Bhulaye nahee bhool sakta hai koi
Woh chotti si raatain woh lambi kahaani

Karri dhoop mein apne ghar se nikalna
Woh chireyya woh bulbul woh titlee pakarna
Woh gureyaa ki shadi mein larna jhagarna
Woh jhooloon se girna woh gir ke sambhalna
Woh peetal ke challoon ke pyaray se tohfay
Woh tooti huwi chooreyoon ki nishaani

Kabhi rait ke ounchay teeloon pe jaana
Gharounday banaana bana ke mitaana
Woh khwaboon khiloonoo ki jageer apni
Woh masoom chaahat ki tasveer apni
Na duniya ka gham thaa ni rishtoo ke bandhan
Bari khoobsurat thee woh zindagaani

Yeh daulat bhi le lo yeh shohrat bhi le lo
Bhallay cheen lo mujh se meri jawaani
Magar mujh ko lauta do bachpan ka saawan
Woh kaghaz ki kashti woh baarish ka paani

**

15

Thanks Arif....