Few Ghazala....

Dilsay · January 26, 2003, 10:46am

kisii kalii ne bhii dekhaa na aa.Nkh bhar ke mujhe
guzar ga_ii jaras-e-gul udaas kar ke mujhe

mai.n so rahaa thaa kisii yaad ke shabistaa.N me.n
jagaa ke chho.D gaye qaafile sahar ke mujhe

mai.n ro rahaa thaa muqaddar kii saKht raaho.n me.n
u.Daa ke le gayaa jaaduu terii nazar kaa mujhe

mai.n terii dard kii tuGiyaaniyo.n me.n Duub gayaa
pukaarate rahe taare ubhar ubhar ke mujhe

tere firaaq kii raate.n kabhii na bhuule.ngii
maze mile inhii.n raato.n me.n umr bhar ke mujhe

zaraa sii der Thaharane de ai Gam-e-duniyaa
bulaa rahaa hai ko_ii baam se utar ke mujhe

phir aaj aa_ii thii ik mauj-e-havaa-e-tarab
sunaa ga_ii hai fasaane idhar-udhar ke mujhe

Dilsay · January 26, 2003, 10:47am

aaj to be-sabab udaas hai jii
ishq hotaa to ko_ii baat bhii thii

jalataa phirataa huu.N kyuu.N do-paharo.n me.n
jaane kyaa chiiz kho ga_ii merii

vahii.n phirataa huu.N mai.n bhii Khaak ba-sar
is bhare shahar me.n hai ek galii

chhupataa phirataa hai ishq duniyaa se
phailatii jaa rahii hai rusvaa_ii

ham_nashii.n kyaa kahuu.N ke vo kyaa hai
chho.D ye baat niind u.Dane lagii

aaj to vo bhii kuchh Khaamosh saa thaa
mai.n ne bhii us se ko_ii baat na kii

ek dam us ke haath chuum liye
ye mujhe baiThe baiThe kyaa suujhii

tuu jo itanaa udaas hai 'Nasir'
tujhe kyaa ho gayaa bataa to sahii

Dilsay · January 26, 2003, 10:48am

kyaa huaa teraa har ik roz mujhe Khat likhanaa
aur Khat me.n dil-e-betaab kii haalat likhanaa

merii Khaatir shab-e-furqat me.n na sonaa teraa
merii yaado.n me.n pareshaa.N saa honaa teraa
aur phir Khat me.n shab-e-hijr kii baabat likhanaa
kyaa huaa teraa har ik roz mujhe Khat likhanaa

vo sar-e-shaam Khayaalo.n me.n mere kho jaanaa
aur phir Khud hii teraa sharm_saar ho jaanaa
vo akele me.n mujhe pyaar bharaa Khat likhanaa
kyaa huaa teraa har ik roz mujhe Khat likhanaa

kis liye to.D diye tuune sabhii ahad-e-vafaa
kyaa hue vaade muhabbat ke bataa kuchh to bataa
kis liye chho.D diyaa tuu ne mujhe Khat likhanaa
kyaa huaa teraa har ik roz mujhe Khat likhanaa

Dilsay · January 26, 2003, 10:49am

lab pe tere iqraar-e-mohabbat sher Gazal kaa lagataa hai
sharm se cheharaa laal gulaabii phuul kamal kaa lagataa hai

dil ko najar se Takaraaye bhii ek zamaanaa biit gayaa
choT magar hai itanii taazaa haadasaa kal kaa lagataa hai

beKhud ho kar mast havaaye.n aise kab laharaatii thii.n
ye jaaduu to halkaa halkaa us aa.Nchal kaa lagataa hai

ham samajhe the bhuul gaye hai.n vo chaahat kaa afasaanaa
aaj magar phir dard saa dil me.n halkaa halkaa lagataa hai

Philanthrope · January 26, 2003, 11:46am

Wah :k:
Bohat hi bhoot…Nice choice Dilsay

aadhoorighazal · January 26, 2003, 4:07pm

lab pe tere iqraar-e-mohabbat sher Ghazal kaa lagataa hai

main aab is ka kya jawab doon:blush: ???

last two ghazala… are beautiful,thanks dilsay.

Dragon_King · January 26, 2003, 6:12pm

buhat khoob :k:

HeArT_HaCKeR · January 26, 2003, 6:18pm

niceeeeeee :k:

arifnawaz1 · January 26, 2003, 9:23pm

Nice :k:

guybrush · January 26, 2003, 9:49pm

very nice :k:

ghazal_kisi_ke · January 27, 2003, 12:44am

each ghazal is beautiful:k::k::k::k:

Lamhay · January 27, 2003, 9:48am

bahut khoob dilsay ji

per dilsay ji Few Ghazala......lolz aap ki few ghazala bahut achi hai ;)

Dilsay · January 27, 2003, 11:07am

Thanks every one.....

Azad · January 27, 2003, 2:25pm

aap humain aqraar or inkaar ki kashmakas main mobtalah nazar aati hain, yeh jan leewa bemaree hay … maghar qabil ilaj hay aghar koi dilsay say ilaj karba chahay

on a second though hum jaisay … hummm agay aap khud samjhdar ho

aadhoorighazal · January 28, 2003, 1:14am

[QUOTE]
*Originally posted by Azad: *

aap humain aqraar or inkaar ki kashmakas main mobtalah nazar aati hain, yeh jan leewa bemaree hay ... maghar qabil ilaj hay aghar koi dilsay say ilaj karba chahay :D

on a second though hum jaisay ..... hummm agay aap khud samjhdar ho
[/QUOTE]

azad sb!!! you are impossible.............lekin aap bilkul la'ilaj ho

Dilsay · January 28, 2003, 6:01am

[QUOTE]
*Originally posted by Azad: *

aap humain aqraar or inkaar ki kashmakas main mobtalah nazar aati hain, yeh jan leewa bemaree hay ... maghar qabil ilaj hay aghar koi dilsay say ilaj karba chahay :D

on a second though hum jaisay ..... hummm agay aap khud samjhdar ho
[/QUOTE]

Ya mari posting hai telegraph office nahi... moun utha kar chalay atay hain... aur uper say itnay bad sourat... allah mafi...

Azad · January 28, 2003, 9:41am

[QUOTE]
*Originally posted by Dilsay: *

Ya mari posting hai telegraph office nahi... moun utha kar chalay atay hain... aur uper say itnay bad sourat... allah mafi...
[/QUOTE]

hummmm to aap ki nazar bhi aadhoori par parr gaii ... dilsay aap ka kehna baja hay, thanks for sharing :)

Azad · January 28, 2003, 9:44am

on a 2nd thought ...
log to kalii bili ka rasta kaTnay ki fikar kartay hain ........ or kalii bili in ki waja say dublii howi jati hay

Azad · January 28, 2003, 9:46am

Toba Toba .... Astaghfaar .. Allah mafi day

Dilsay · January 28, 2003, 12:33pm

Azad jee aap adat say majboor lagtay hain hum aap ko kiya kahain....

Allah khush rakhay aap koo