Faza Mein Rang Na Hon Aankh Mein Nami Bhi Na Ho
Woh Harf Kiya K Raqam Ho To Roshni Bhi Na Ho
Woh Kia Bahar K Pewand-e-Khaak Ho K Rahay
KashaKash Roshan-o-Rang Se Bari Bhi Na Ho
Kahan Hai Or Khazana Bajuz Khazan-e-Khuwab
Lutanay Wala Lutata Rahay Kami Bhi Na Ho
Yehi Huwa, Yehi BeMehr-o-BeLehaz Huwa
Yehi Na Ho To Chiraghon Mein Roshni Bhi Na Ho
Milay To Mil Liye Bichray To Yaad Bhi Na Rahay
Taluqaat Mein Aisi Rawa Rawi Bhi Na Ho