**Fareb-e-Zat sey Niklo, Jahaan key Saanhe’ey Dekho
Haqeeqat Munkashif ho gi, Kabhi to Aainey Dekho
Wohi Ek Ajnabi Jis sey Ta’aluk Sarsari sa tha
Hamarey Dil me hotey hen Osi key Tazkarey Dekho
Likha hai Waqt ney Ye bhe Ajab Apney Muqadar mein
Palatna hee nhi Jis ko Osi key Rastey Dekho
Hamen Samjho na khush itna Labo’n ki Muskarahat sey
Hamari Aankh mein Phelay Hazaaro’n Haadsay Dekho
Thakay-haarey sey Behtey they mgr Teri Sada Sun ker
Shikasta-Paa Chaley Aaye Hamarey Haosley Dekho…!!!**
