*Itne kaRe vasii nizaam meN sirf aik merii hii nekii se kyaa hotaa hai?
MaiN to is se ziyaadah kar hii kyaa saktaa huN?
Maiz par apnii saarii duniyaa
Kaghaz aur qalam aur TuTii-phuuTii nazmeN
Saarii chiizeN baRe qariine se rakh dii haiN,
Dil meN bharii hu’ii haiN itnii acchii acchii baateN,
Unn baatoN kaa dhyaan aataa hai to ye saaNs baRii hii besh-bahaa lagtii hai
Mujh ko bhii to kaisii kasii baatoN se raahat miltii hai
Mujh ko is raah meN saadiq paakar
Saare jhuuT merii tasdiiq ko aa jaate haiN
Aik agar maiN sacchaa hotaa,
Merii is duniyaa meN jitne qariine saje hu’e haiN
Unn kii jagah be-tartiibii se paRe hu’e kuch tukRay hote
Mere jism ke TukRay,
Kaale jhuuT ke us chalte aaray ke niiche !
Itne baRe nizaam se merii nekii takRaa saktii thii,
Aik agar main sacchaa hotaa !*