fara’s Top Three selection and the reasons behind the selection.
Why I have selected the three poems as my most favorites?
The three pieces I have selected to share have been in my collection since 1996.
The first one, Ya Sami, describes human nature and our relation-ship with Allah Subhana, don’t we all end up doing that at some stage in our life? In fact, Allah knows how impatient we are - after all we are His creation! The beauty of this poem lies in the step by step description of what we go through. I do it, sometimes I feel Allah Karim isn’t listening or answering… but when He does, I then realise and understand how wrong my actions were.
The second one... I love it. It describes my den, my room … meri panah-gah! Life moves on lekin meray dil say apnay ghar, apnay kamray ki yaad nahi jati… It is a little nostalgic in essence nevertheless I enjoy reading it over and over again. I love the creative aspects of this poem too. Javed Akhtar has used strong imagery and personification to convey meaning and bring life to the description. A very well written peice which shall be always admired by me (and hopefully the rest of the world too).
Last but not the least… Kia baat hay is ghazal ki. I used to hear my chacho singing and hummin it all the time. I once said to my chacho, ‘zindagi buhat mushkil hay aur musalsal aazmaish bhee lekin mujhay mukamal khusi chayee’ … jawab milla ‘beta nothing is 100%…’ Us waqt samagh nahi ayee thee, kuch log hard way say seekhtay haiN, so have I. This peice describes my philosophy of how to live life.
Finally, if you have managed to read all this, thanks for sparing your precious time and reading my collection.
Wassalam,
Fara
**Ya Sami O Ya Baseer - Amjad Islam Amjad
**
Hujoom-e-Gham Say Jis Dum Aadmi Ghabra Sa Jata Hay
Tu Aisay Main Ussay Awaz Per Qaboo Nahi Rehta
Wu Itni Zoar Say Feryaad Kerta, Cheekhta Aur Bil-bilata Hay
Kay jaisay wu zameen per aur Khuda hoo aasmaanoo maiN…
Magar aisa bhee huta hay…
Kay Uski Cheekh Ki Awaaz Kay Ruknay Say Pehlay He,
Khudaa Kuch Is Qadar Nazdeek Say Aur iss Qadar Rehmat Bhari Muskaan say Usko Thapakta
Aur Uski Baat Sunta Hay
Kay…
Feryadi ko apni cheekh ki shiddat,
Sada ki Bay-yakeeni per
Nadamat hoonay lagti hay!
**Amjad Islam Amjad
**
… …
**Wo Kamra Yaad Aataa Hay **
Main Jub bhee Zindagi Ki chalchalati dhoop main tupp ker
Main Jub bhee dosrooN kay aur apnay jhoot say chup ker
Main sub say lerker khood say haar ker
Jub bhee uss ek kamray maiN jati hooN
Wu halkay aur gehray kath-ayee rangooN ka ek Kamra
Wu bay-hudd meherbaaN kamra
Ju apni nurm muthi maiN mujhay aisay chuppa laita hay
Jaisay koi maaN bachay ko anchal maiN chuppa lay
Piyar say Dantay, ‘Yeh Kia aadat hay? Jalti dopehar main maray maray ghoomtay ho tum…’
Wu Kamra Yaad Aata Hay…
Dabeez aur khasa bharri kuch zara mushkil say khulnay wala,
Wo sheesham ka derwaza,
Kay Jaisay koi akhar baap, apnay khurdaray seenay main shafqat kay sumander ko chupayee…
Wu kursi aur uskay sath wu jurwaaN behan uski
Wu dono dost theeN meri…
Wu ek gustakh, moon-phat aa’yeena, ju dil ka buhat acha tha!
Wu bay-hungam si almari joo koonay main Kharii… ek boorhi anna ki terhaaN,
Aa’yeenay ko tanbeeh kerti hay!
Wu ek guldaan, nanha sa, buhat shaitaann un doono pay hasta tha!
Dareecha ya zahanat say bhari ek muskurahat
Aur dareechay per jhuki wu bail koi Sabz Sergoshii
KitaabeiN taaq per aur shelf per sanjeeda ustani bani betheeiN
Magar sub muntazir iss baat kay
Kay main unsay kuch poochooN
Serhanay neend ka sathi, thakaan ka chara-gar wu narm dil takiyaa
Wu jiski goad main sirr rakh ker chatt ko daikhti thee
Chatt ki kerd’iyooN main Najanay kitnay afsanooN ki kerd’iyaaN theein
Wo chooti maiz, aur samnay deewar per aa’wezaaN tasweeraiN
Mujhay apna-iyat aur yaqeen say daikhti theeiN
Muskurati theeiN
InhaaiN shak bhee nahi tha, Main ek din unko aisay chore jaoongi
Main ek din yooN bhee jaoongi - kay phir wapis na aaongi
Main abb jis gher main rehti hooN
Buhat he khoobsurat hay
Magar aksar yahan khamosh bethi yee yaad kerti hoon
Wo kamra baat kerta tha
Wo kamra yaad aata tha!
Javed Akhtar
… …
Ghazal:
Zindagi Ka Safar, Katna Hay Agar, Aag per Raks kernay Ka fun Seekh Lay
Jism Chahay Jalay, Rooh Phoolay phallay, Jeena Chahay tu mernay Ka fun seekh Lay!
Sub keraingay teray derd per rushk bhee, Subki AnnkhooN main Hoongay Teray Ashk bhee
DamanooN maiN samaitay gee duniyaa Tujhay, Tootnay ka, bikharnay Ka fun seekh Lay!
Sub-kay haathooN pay Chahay Tera kHooN hu, Tu magar sari duniyaa ka mamnooN hoo
Zakhm-e-jaaN ki mehak Jayeegi door tuk, Jhoom ker aah bhernay ka fun seekh Lay!
DostooN say he nahi sirf tera wasta, Teray ander bhee hay Ek kathin Rasta
Hoslay ki zaroorat agar tujhko ho, Bay-zameeri say dernay ka fun seekh Lay!
Ek sumander si hoogi teri zaat bhee, aur gehrayee jaisay khayyalat bhee
Ek bus kam ker - mash’alaaiN tham ker, PaniyooN maiN utarnay ka fun seekh Lay!
Aadmi naam hay, shok-e-tameer ka, Ek he rukh Na hu teri tasweer ka
Chand ki dhool bun, dhool ka phool bun, rung main rung bhernay ka fun seekh Lay!
Muzaffar Warsi
… …
Meri ziyada achi hay…