Fankaar

[SJ]

Re: Fankaar

@Amal

Fankaar

MeiN ney jo geet terey pyaar ki khaatir likhey
aaj un geetoN ko bazar meiN ley aaya hooN

Aaj dukaan pe neelaam utthey ga in k!
tu ney jin geetoN pe rakhi thi mohabbat ki asaas
aaj chaandi ke taraazu meiN tuley gi har cheez
merey afkaar, meri shaaeri, mera ehsaas

Jo teri zaat sey mansoob the un geetoN ko
muflisi - jins banaaney pe utar aai hey
bhook - terey rukh-e-rangeeN ke fasanoN ke aewaz
chand ashaay-e-zaroorat ki tamannaai hey

Deikh is arsa-e-geh mehnat-o-sarmaaya meiN
merey naghmey bhi merey paas nahi reh saktey
terey jalwey kisi zar’daar ki meeraas sahi
terey khaakey bhi merey paas nahi reh saktey

Aaj in geetoN ko bazar meiN ley aaya hooN
meiN ney jo geet terey pyaar ki khaatir likhey!

By: Sahir Ludhyanvi

Bohat Awesome Sharing Hai Amal…:k: