Falak be'chein rehta hey hawaa ghamgeen rehti hey

[Koyal]

Re: Falak be’chein rehta hey hawaa ghamgeen rehti hey

@Amal

http://i53.tinypic.com/15hbucl.gif

**
Falak be’chein rehta hey hawaa ghamgeen rehti hey
dhanak ke toot jaaney par fiza ghamgeen rehti hey

lehad ka peyt bharney ko wo saaNseiN loot leti hey
magar phir deir tak shaed qaza ghamgeen rehti hey

kabhi aaNkheiN bohat kuch keh to deti heiN magar phir bhi
samaa’at tak jo na pohNchey, sada ghamgeen rehti hey

mohabbat sey taraashey khaab aksar toot jaaney par
muraadoN ke mazaaroN par duwa ghamgeen rehti hey

khizaaN meiN bhi chaman sey yuN to milti roz hey lekin
bahaaroN ke palatney tak saba ghamgeen rehti hey

taqaaza hey ye qudrat ka jo karni hey so bharni hey
magar na’haq miley to phir saza ghamgeen rehti hey**

http://i53.tinypic.com/2pqp1y9.gif

Amal bohat he khubsurat gazal hai saRi ki saRi