Sach hai.n hamii.n ko aap ke shikave bajaa na the
Beshak sitam janaab ke sab dostaanaa the
haa.N jo jafaa bhii aap ne kii qaayede se kii
Haa.N ham hii kaaraaba.nd-e-usuul-e-vafaa na the
Aaye to yuu.N to ke jaise hameshaa ke meharabaa.N
Bhuule to yuu.N ke goyaa kabhii aashanaa na the
Kyo.n daad-e-Gam ham ne talab kii, buraa kiyaa
Ham se jahaa.N me.n kushtaa-e-Gam aur kyaa na the
Gar fikr-e-zaKhm kii to Khataavaar hai.n ke ham
Kyo.n mahv-e-madh-e-Khuubii-e-teG-e-adaa na the
Har chaaraagar ko chaaraagarii se gurez thaa
Warnaa hame.n jo dukh the bahut laadavaa na the
Lab par hai talKhi-e-may-e-ayyaam varnaa “Faiz”
Ham talKhi-e-kalaam par maa_il zaraa na the