Re: Faiz Ahmed Faiz - Happy Birthday Sir
teRe gham ko jaa.N kii talaash thi teRe jaa.N-nisaaR chale gaye
teRi raah meiN kaRate the saR talab saR-e-raah-guzaR chale gaye
teRi kaj-adaa_ii se haaR ke shab-e-i.ntazaaR chali ga'ee
mere zabt-e-haal se ruuTh kaR meRe Gam-gusaaR chale gaye
na savaal-e-vasl na arz-e-Gam na hikaayate'N na shikaayate'N
teRe ahad meiN dil-e-zaaR ke sabhii iKhtiyaaR chale gaye
ye hami'N the jin ke libaas paR sr-e-raah siyaahii likhi ga'ee
yahi daaG the jo sajaa ke ham saR-e-bazm-e_yaaR chale gaye
na rahaa junu'N-e-ruKh-e-vafaa ye rasan ye daaR kaRoge kyaa
ji.nhe.n jurm-e-ishq pe naaz thaa vo gunaahagaaR chale gaye
Re: Faiz Ahmed Faiz - Happy Birthday Sir
dasht-e-tanhaa_ii me.n ai jaan-e-jahaa.N larzaa.N hai.n
terii aavaaz ke saaye tere ho.nTho.n ke saraab
dasht-e-tanhaa_ii me.n duurii ke Khas-o-Khaak tale
khil rahe hai.n tere pahaluu ke saman aur gulaab
uTh rahii hai kahii.n qurbat se terii saa.Ns kii aa.Nch
apanii Khushbuu me.n sulagtii hu_ii maddham maddham
duur ufaq par chamakatii hu_ii qatraa qatraa
gir rahii hai terii dil_daar nazar kii shabnam
us qadar pyaar se ai jaan-e jahaaN rakkhaa hai
dil ke ruKhsaar pe is vaqt terii yaad ne haath
yuu.N gumaa.N hotaa hai garche hai abhii subah-e-firaaq
Dhal gayaa hijr kaa din aa bhii ga_ii vasl kii raat
Re: Faiz Ahmed Faiz - Happy Birthday Sir
mein abhi likhnay wali hi thi ke dasht-e-tanhai mein but koyal ne likh diya :k: yeh meray andar feed ho gaya hai jab ptv on kertay thay bachpan mein Iqbal bano ki awaz mein yeh ghazal hi chal rahi hoti thi 
Faiz sahab bhi bohat achay shair hain eik ghazal un ki
dono jahan teri mohabbat main har k
wo ja raha hai koi shab-e-gam guzar k
viran hai maikada khum-o-sagar udas hai
tum kya gaye k ruth gaye din bahar k
ik fursat-e-gunah mili, wo bhi char din
dekhe hain ham ne hausale parvar-digar k
duniya ne teri yad se begana kar diya
tujh se bhi dil fareb hain gam rozagar k
bhule se muskura to diye the wo aj ‘Faiz’
mat puch val-vale dil-e-na-kardakar k
Re: Faiz Ahmed Faiz - Happy Birthday Sir
**A great poet, one of the best of our time.
merii terii nigaah mein jo laakh intazaar hain
jo mere tere tan badan mein laakh dilfigaar hain
jo merii terii ungaliyon kii behisii se sab qalam nazaar hain
jo mere tere shahar kii har ik galii mein
mere tere naqsh-e-paaa ke be-nishaaN mazaar hain
jo merii terii raat ke sitaare zaKhm zaKhm hain
jo merii terii subah ke gulaab chaak chaak hain
ye zaKhm saare be-davaa ye chaak saare be-rafuu
kisii pe raakh chaand kii kisii pe os kaa lahuu
ye hain bhii yaa nahin bataa
ye hai ki mahaz jaal hai
mere tumhaare ankabuut-e-vaham kaa bunaa huaa
jo hai to is kaa kyaa karein
nahin hai to bhi kyaa karein
bataa, bataa, bataa, bataa **
Re: Faiz Ahmed Faiz - Happy Birthday Sir
:-)
Re: Faiz Ahmed Faiz - Happy Birthday Sir
har haqiiqat majaaz ho jaaye
har haqiiqat majaaz ho jaaye
kaafiro.n kii namaaz ho jaaye
minnat-e-chaaraasaaz kaun kare
dard jab jaa.N navaaz ho jaaye
ishq dil me.n rahe to rusavaa ho
lab pe aaye to raaz ho jaaye
lutf kaa intazaar karataa huu.N
jor taa hadd-e-naaz ho jaaye
umr besuud kaT rahii hai 'Faiz'
kaash afshaa-e-raaz ho jaaye
Re: Faiz Ahmed Faiz - Happy Birthday Sir
Happy Birthday sir :salute:Re: Faiz Ahmed Faiz - Happy Birthday Sir
**Guloon mien Rang Bharay Bad-e-Nobahar Chalay
Chalay b aao Kay Gulshan ka Karobaar chalay
Qafas Udaas hai Yaaro !! Saba Se Kuch Tou Kaho
Kahien Tou Behr-e-Khuda Aaj Zikr-e-Yaar Chalay
Jo Hum Pay Guzri So Guzri Magar Shab-e-Hijraan
Humare Ashk Teri Aqbat sanwaar chalay
Muqaam "Faiz" koi Raah Mien Jacha hee Nahi
Jo koy-e-Yaar Se Nikle Tou Soy-e-Daar Chalay...**
Re: Faiz Ahmed Faiz - Happy Birthday Sir
Qalam badast hoo'n hairaa'n hoo-n kay kya likhoon
mein teri baat ko duniya ka tazkira likhoon
Likhoo'n k tuu nay mohabbat kee roshnee likhee
terey sukhan ko sitaroo'n ka qaflaa likhoon
Jahan yazeed bohut hoo'n hussain akayla ho
tou kuoo'n na apnee zameen ko bhee karbala likhoon
Terey baghair har naqsh"naqsh e faryadee"
tuu phool " dast e saba" par hay ablaa likhoon
Misaal "dast teh e nung" thi wafa unn kee
tou kis tarah unhein yaraan-e ba-safaa likhoon
Jagah jagah " saleebain merey dareechey main"
so ism-e-eesa o mansoor ja baja likhoon
Garifta e dil hein bohut "sham e sheher e yaraan" aaj
kahaan hay tou k tujhey haal e dilbaraa likhoon
Kahan gaya hey"merey dil merey musafir" tou
kay mein tujhey rah o manzil ka majraa likhoon
Tou mujh ko chor gaya likh k "nuskha-e-hayee wafa"
mein kis terah tujhey ay dost bay wafa likhoon
"Shaheed jism salamat uthaye jatey hein"
khuda na karda k mein tera marsiyah likhoon!
Re: Faiz Ahmed Faiz - Happy Birthday Sir
My fav. Poet :-)
**yaad-e-Ghazaal chashmaaN, zikr-e-saman `IzaaraaN
jab chaahaa kar liya hai, kunj-e-qafas bahaaraaN
aankhoN meN dardmandii, hoToN pe `UzrKhwaahi
jaanaanah-vaar aayii shaam-e-firaaq-e-yaaraaN
naamuus-e-jaan-o-dil ki baazi lagii thi, varnah
aasaaN nah thii kuChh aisi raah-e-wafaa-shi`aaraaN
mujrim ho Khwaah ko`ii, rehtaa hai naasiHoN kaa
ruu-e-suKhan hameshah suu-e-JigarfigaaraaN
hai ab bhi waqt zaahid, tarmeem-e-zuhd kar lay
suu-e-Haram chalaa hai anboh-e-baadaKhwaaraaN
shaayad qareeb pahuNchii subH-e-visaal, hamdam!
mauj-e-sabaa liye hai Khushbuu-e-Khush-kinaaraaN
hai apni kisht-e-veeraaN, sar sabz iss yaqeeN se
aayegeN iss taraf bhi ik roz abr-o-baaraaN
aayegi Faiz ik din baad-e-bahaar le kar
tasleem-e-mai faroshaaN, paiGhaam-e-mai gusaaraaN
**
Re: Faiz Ahmed Faiz - Happy Birthday Sir
*Gar mujhe iska yaqiin ho *
** mere hamdum mere dost **
** gar mujhe iska yaqiin ho **
** ke tere dil kii thakan **
** Terii ankhon kii udaasii tere siine kii jalan **
** merii diljouyi mere piyar se mit jaiy gi **
** gar mera harf e tasalii woh dawa ho jis se **
** ji uthae phir tera ujraa hoa benoor dimagh **
** Teri peshaani se dhul jain ye tazlil ke daag **
** Teri bemaar jawani ko shafaa ho jaiy **
** Gar mujhe iska yaqin ho mere hamdum mere dost **
** roz o shab sham o sahar mein tujhe behelataa rahoun **
** mein tujhe geet sunaataa rahaoun **
** halke shireen **
** aabshaaroun ke baharoun ke chaman zaaroun ke geet **
** aamad e subh ke mehtaab ke siyaaroun ke geet **
** tujh se mein husn o mohabaat kee hikayat kahoun **
** Kaise mughroor hasinaoun ke barfaab se jism **
** garm hathoun ki haraarat se pighal jaatae hein **
** Kaise ek chehre ke therae hoay maanus naqush **
** dekhte dekhtae yuklukht badal jaatae hein **
** kiss tarha aariz e mehbub ka shafaaf bilour **
** yukbayuk baad aiy ahmar se dehak jaata hei **
** kaise gulcheen ke liye jhuktee hei khud shaakh e gullaan **
** kiss tarha raat ka aiwaan mehak jaata hei **
** Yunhee gaata rahoun gata rahoun teri khaatir **
** geet buntaa rahoun ,betha rahoun teri khaatir **
** pur mere geet tere dukh ka mudawa hee nahi **
** naghma jarrah nahi munis o gham khaour sahee **
** geet nashtar tu nahi marham e azaar sahi **
** tere azaar ka charaa nahi nashtar ke siwa **
** Aur ye safak maseeha mere qabze mein nahi **
** iss jahaan ke kisi zee ruh ke qabze mein nahi **
** Haan magar tere siwa , tere siwa......tere siwa.....................! **
Re: Faiz Ahmed Faiz - Happy Birthday Sir
**hum ke thahare ajanabii itne madaaraatoN ke baad
phir baneNge aashna kitani mulakatoN ke baad
kab nazar meiN aayegi bedaagh sabze ki bahar
khooN ke dhabbe dhuleNge kitni barsatoN ke baad
dil to chahaa par shikast-e-dil ne mohalat hi na di
kuch gile shikwe bhi kar lete munajaatoN ke baad
the bahot bedard lamhe khatm-e-dard-ishq ke
thiN bahot bemahar subaheN meharbaaN ratoN ke baad
unse jo kahane gaya the 'FAIZ' jaaN sadaqa kiye
anakahi hi rah gayi woh baat sab batooN ke baad**
Re: Faiz Ahmed Faiz - Happy Birthday Sir
shaam-e-firaaq ab na puuchh aaii aur aake Tal gaii
dil thaa ke phir bahal gayaa, jaa.N thii ke phir sambhal gaii
bazm-e-Khayaal me.n tere husn kii shamaa jal gaii
dard kaa chaa.Nd bujh gayaa, hijr kii raat Dhal gaii
jab tujhe yaad kar liyaa, subha mahak mahak uThii
jab teraa Gam jagaa liyaa, raat machal machal gaii
dil se to har muaamalaa karake chale the saaf ham
kahane me.n unake saamane baat badal badal gaii
aaKhir-e-shab ke hamasafar 'Faiz' na jaane kyaa hue
rah gaii kis jagah sabaa, subha kidhar nikal gaii
Re: Faiz Ahmed Faiz - Happy Birthday Sir
Nice sharing everyone :)
Re: Faiz Ahmed Faiz - Happy Birthday Sir
*Behtreen Intikhaab...
*
*Gar mujhe iska yaqiin ho *
** mere hamdum mere dost ** ** gar mujhe iska yaqiin ho ** ** ke tere dil kii thakan ** ** Terii ankhon kii udaasii tere siine kii jalan ** ** merii diljouyi mere piyar se mit jaiy gi ** ** gar mera harf e tasalii woh dawa ho jis se ** ** ji uthae phir tera ujraa hoa benoor dimagh ** ** Teri peshaani se dhul jain ye tazlil ke daag ** ** Teri bemaar jawani ko shafaa ho jaiy ** ** Gar mujhe iska yaqin ho mere hamdum mere dost ** ** roz o shab sham o sahar mein tujhe behelataa rahoun ** ** mein tujhe geet sunaataa rahaoun ** ** halke shireen ** ** aabshaaroun ke baharoun ke chaman zaaroun ke geet ** ** aamad e subh ke mehtaab ke siyaaroun ke geet ** ** tujh se mein husn o mohabaat kee hikayat kahoun **
** Kaise mughroor hasinaoun ke barfaab se jism ** ** garm hathoun ki haraarat se pighal jaatae hein ** ** Kaise ek chehre ke therae hoay maanus naqush ** ** dekhte dekhtae yuklukht badal jaatae hein ** ** kiss tarha aariz e mehbub ka shafaaf bilour ** ** yukbayuk baad aiy ahmar se dehak jaata hei ** ** kaise gulcheen ke liye jhuktee hei khud shaakh e gullaan ** ** kiss tarha raat ka aiwaan mehak jaata hei **
** Yunhee gaata rahoun gata rahoun teri khaatir ** ** geet buntaa rahoun ,betha rahoun teri khaatir **
** pur mere geet tere dukh ka mudawa hee nahi ** ** naghma jarrah nahi munis o gham khaour sahee ** ** geet nashtar tu nahi marham e azaar sahi ** ** tere azaar ka charaa nahi nashtar ke siwa **
** Aur ye safak maseeha mere qabze mein nahi ** ** iss jahaan ke kisi zee ruh ke qabze mein nahi ** ** Haan magar tere siwa , tere siwa......tere siwa.....................! **
Re: Faiz Ahmed Faiz - Happy Birthday Sir
**Khudda Woh Waqt Na Layee Kay So-gawaar Ho Tu
Umdah...
**
Re: Faiz Ahmed Faiz - Happy Birthday Sir
Faiz Ahmad Faiz… needs no words for praise… his style has no match…
Here is my favourite in his own voice..
