“Aik Ghazal kay Kuchh Shair”
Qurbat bhi nahi, dil say utar bhi nahi jata
wo shakhs koi faisla kar bhi nahi jata
Dil ko teri chahat pay bharosa bhi bahut hay
aur tujh say bichhaR janay ka dar bhi nahi jata
Aankhein hain kay khali nahi rehti hain Lahu say
aur zakhm-e-judayee hay kay bhar bhi nahi jata
Wo rahat-e-jaaN hay magar is dar badari mein
aisa hay kay ab dhiyaan udhar bhi nahi jata
Hum dohri aziyyat kay gariftaar musafir
paaon bhi hain shull, shauq-e-safar bhi nahi jata
Pagal huay jatay ho Faraz, us say milay kya
itni si khushi say koi mar bhi nahi jata