Evergreen Poetry

Jhanjharewali · November 6, 2008, 12:51pm

aks-e-khushbuu hoon bikherne se na roke koi
aur bikher jaaun toh mujh ko na samaite koi

kaanp uth-ta hoon mei ye soch ke tanhai mei
mere chehre pe tera naam na parh le koi

jiss tarha khwab mere ho gaye reza reza
iss tarha se na koi toot ke bikhre koi

ab toh is raah se wo shakhs guzerta bhi nehi
ab kis umeed pe darwaze se jhanke koi

koi aahat koi awaaz koi chaap nehi
dil ki galiyaan bari sunsaan hein aaye koi

parveen shakir

arjay · December 16, 2008, 10:22am

Imtiazo hasrato ranjo alam jata raha
Gham paala itna kay ab ahsaas-e-gham jata raha

(English Translation: Am increasingly unable to distinguish between unfulfilled wishes and deep full-of-hurt mourning; Have suffered so much that no longer can I remember what it means to be sad).

aabla_pa · December 17, 2008, 5:42am

zabardast. :k:

ghazal_kisi_ke · December 20, 2008, 6:20am

Sheal: superb idea.

I read firsr three entries: beautiful!!

*
Here is one of the few i can't get enough of:***
Meray hum-nawa teri bey-rukhi dil-e-mubtala ki shikast hay **
** isey kis tarah main kahoon fatah yeh meri ana ki shikast hay **

** tu chala gaya mujhay chohr kar main nay phir bhi tujh ko sadayain deen **
** meray humsafar tu ruka nahin yeh meri sada ki shikast hay **

** tujhay laa kay dil main bitha dia, tujhey raaz har ik bata dia **
** tu nay phir bhi koi wafa naa ki yeh meri wafa ki shikast hay **

** main chaaragh-e-kuhna mizaaj tha, tujhey bijliyoun ki talab rahi **
** mujhay aandhiyoun nay bujha dia yeh meri ziaa ki shikast hay**

** mujhay is tarah naa sata-o-gay , mujhey zoam tha kay naa jao gay **
** mera ghalat wehm-o-gumaan hee meri intehaa ki shikast hay **

** mujhay koi tujh say gilaa nahin, tu mila tha kub? kay bichar gaya **
** meray jurm ki hay yehi saza yeh meri wafa ki shikast hay **

** meri khamoshi kay bayaan ko, tu samajh kay bhi naa samajh saka **
** meray aansooun ka payaam hee dil-e-baynawa ki shikast hay **

** gham-e-daastaan-e-hayaat kay sub hee tazkirey huay rayegaa'n **
** meray chaaragar tera yeh hunar, meri hur ada ki shikast hay **

** mujhay razmagah-e-hayaat main yoon kabhi naa koi giraa saka **
** teri khamoshi ki pukaar hee meri ibtidaa ki shikast hay **

** meri jaan tasadduq khamosh reh, bhala zour kis ka hawayoun par **
** k jahan bhi rukh yeh badal gayeen waheen naakhudaa ki shikast hay!!**

IS · December 20, 2008, 10:04pm

Re: Evergreen Poetry

http://www.poetryinpocket.com/poetry_images/zindagi_ayee.JPG

S.786 · December 25, 2008, 5:32am

Re: Evergreen Poetry

very nice jnab

being_lonely · January 28, 2009, 1:38am

Re: Evergreen Poetry

wonderful collection :k: keep it coming !

Shab-e-Hijar · January 30, 2009, 6:56am

sabhi kuch hai tera diya hua sabhi raahatein sabhi kalafatein
kabhi sohbatein kabhi furqatein kabhi duuriyaauN kabhi qurbatein

ye suKhan jo ham ne raqam kiye ye hain sab varaq teri yaad ke
koi lamhaa subah-e-visaal kaa, kai shaam-e-hijr ki qurbatein

jo tumhaari maan lein naasihaa to rahegaa daaman-e-dil mein kya
na kisi uduu ki adaavatein na kisi sanam ki muravvatein

chalo aao tum ko dikhaayeiN ham jo bachaa hai maqtal -e-shahar mein
ye mazaar ahal-e-safaa ke hain ye hain ahal-e-sidq ki turbatein

meri jaan aaj kaa Gham na kar ke naa jaane kaatib-e-vaqt ne
kisi apane kal mein bhi bhuul kar kahin likh rakhi ho masarratein

being_lonely · February 2, 2009, 1:38pm

Asalam u Alaikum !

Dilbaro Moajzaat Kar Jaao
Koi Anhoni Baat Kar Jaao

Iss Mein Kya Aaitraaz Hai Tum Ko
Baat Sun Jaao Baat Ker Jaao

Hum Ko Har Zulm Bhool Jata Hai
Phir Koi Vardaat Kar Jaao

Zindagi Aasroon Se Chalti Hai
Ehtamaam-e Hayaat Kar Jaao

Tum Ko Taufeeq Di Hai Qudrat Ne
Chaara-e-Mushkilaat Kar Jaao

Jhootha Waada Adam Se Kar Ke Koi
Baarish-e-Iltafaat Kar Jaao

Abdul Hameed Adam