Etraaf

Arts & Culture Poetry ( Intikhaab & Sho'ra-e-Gupshup)
1

Ab mere paas tum aa ee ho tu kia aa ee ho

Maine maana ke tum aik paikar-e-rana’ee ho
chaman-e-dahar mein rooh-e-chaman ara’ee ho
talat-e-mehr ho, firdous ki burna’ee ho
bint-e-mahtaab ho gardoon se utar aa ee ho

Mujh se milne mein ab andisha-e-ruswaee hai
maine khud apne kiye ki ye sazaa paaee hai

Unn dino’n mujh pe qayamat ka junoon taari tha
ser pa ser-shaari-o-ishrat ka junoon taari tha
Maah paaro’n se mohabat ka junoon taari tha
Shehriyaron se raqaabat ka junoon taari tha

Bistar-e-maqmal-o-sanjaab thi dunya meri
aik rangeen-o-haseen khwaab thi dunya meri

Kia sunogi meri majrooh jawani ki pukaar
meri faryad-e-jigardoz, mera naala’e zaar
shiddat-e-karb mein doobi huee meri guftaar
mai ke khud apne mazaq-e-tarb aagei’n ka shikaar

wo gudaaz-e-dil-e-mehroom kahan se laa’oon
ab main wo jazba-e-masoom kahan se laa’oon

By: Majaz

2

Re: Etraaf

Jal bhi chuke parwaane ho bhi chuki ruswaee
ab khaak urhane ko baithe hain tamaashaee

Taaro'n ki ziya dil mein aik aag lagaati hai
araam se raato'n ko sote nahi saudaaee

Raato'n ki udaasi mein khamosh hai dil mera
behis hain tamannaein neend aaee ki maut aaee

Ab dil ko kissi karwat araam nahi miltaa
aik umr ka rona hai do din ki shanasaee

Aik shaam wo aaye thay aik raat farozaan thi
wo shaam nahi lauti wo raat nahi aaee
By: Shehzad Ahmed

Answer this without Googling
3

Re: Etraaf

:k:

__Assalam U AlaikuM__
__Assalam U AlaikuM__
4

Re: Etraaf

Aaha, Meer G aap ne kaise jaana k main Majaaz ki ye nazm barre arse se dhoond raha tha !!! :-)
Khush keeta ee !!!
Doosri ghazal bhi zabardast hai.
Keep sharing.

5

Re: Etraaf

Khuli jo aankh tu wo tha na wo zamana tha
dehakti aag thi tanhaee thi fasana tha

Ghamo'n ne baant liya mujhe yun aapas mein
ke jaise main koee luuta huaa khazana tha

ye kya ke chund hi qhadmo'n pe thak ke baeth gaye
tumhein tu saath mera duur taq nibhana tha

khud apne haath se Shahzad us ko kaat diya
ke jis darakht ki tehni pe aashiyana tha

By : Farhat Shahzad

6

Re: Etraaf

kahan se laon i lik it keep it up buddy

7

Re: Etraaf

Kisi surat sahar nahi hoti
raat idhar se udhar nahi hoti

khauf-e-sayyaad hai na barq ka dar
baat ye apne ghar nahi hoti

ab mai samjha hoon kaat ker shab-e-gham
zindagi muqhtasar nahi hoti

kitni paband-e-wazaa hai shab-e-gham
kabhi ghaer ke ghar nahi hoti

arsh hilta hai meri aahon se
lekin unn ko khabar nahi hoti

By: Qamar Jalaalvi

8

Re: Etraaf

Maana ke musht-e-khaak se barhkar nahi hoon main
lekin hawa ke rahm-o-karam par nahi hoon main

insaan hoon dharakte huay dil pe haath rakh
yun doob kar na dekh samandar nahi hoon main

Chehre pe mal raha hoon siyaahi naseeb ki
aeena haath mein hai sikandar nahi hoon mein

Ghalib teri zameen mein likkhi to hai ghazal
tere khad-e-sukhan ke baraabar nahi hoon main

By: Muzaffar Warsi

...Cute Girls & Driving...
9

Re: Etraaf

Hum ko to gardish-e-halaat pe rona aaya
rone waale tujhe kis baat pe rona aaya

kaise mar mar ke guzri hai tumhe kya maloom
raat bhar taaron bhari raat pe rona aaya

kitne betaab thay rim-jhim mein peeynge lekin
aa ee barsaat to barsat pe rona aaya

kon rota hai kisi aur ke gham ki khaatir
sab ko apni he kisi baat pe rona aaya

'Saif ye din to qayamat ki tarha guzra hai
jaane kya baat thi her baat pe rona aaya

By: Saifuddin Saif

Trip to Canada..
10

Re: Etraaf

Kaise sukoon paoon tujhe dekhne ke baad
ab kya ghazal sunaoon tujhe dekhne ke baad

awaaz de rahi hai meri zindagi mujhe
jaoon main ya na jaoon tujhe dekhne ke baad

teri nigaah-e-mast ne makhmuur kar diya
kya maekade ko jaoon tujhe dekhne ke baad

naron mein taab-e-deed he baqi nahi rahi
kis se nazar milaoon tujhe dekhne ke baad

By: Saeed Shaheedi

11

Re: Etraaf

Bohattt khoobbb
keep sharing.......

12

Re: Etraaf

good thanks for sharing :k:

Is Judaism a race or religion?
13

Re: Etraaf

Dayam parha hua tere der per nahi hoon main
khaak aesee zindagi pe ke patthar nahi hoon main

Kyun gardish-e-mudaam se ghabra na jaaye dil
insaan hoon piyala-o-sagar nahi hoon main

Yaa Rab! zamana mujh ko mitaa ta hai kis liye
lauh-e-jahaan pe harf-e-mukarrar nahi hoon main
**

hadh chaahiye saza mein uquubat ke waaste
aakhir gunaahgaar hoon kaafir nahi hoon main

kis waaste azeez nahi jaante mujhe
laal-o-zamarud-o-zar-o-gauhar nahi hoon main

rakhte ho tum qadam meri aankhon se kyun dareg
kya aasmaan ke bhi barabar nahi hoon main

Ghalib wazeefa khwaar ho, do shah ko dua
wo din gaye kehte thay naukar nahi hoon main
By: Mirza Ghalib
**

14

Re: Etraaf

Mira you are doing wonders! Amazing stuff, thanks a lot for sharing! Keep it up.