***Karam maangta hoon Ataa maangta hoon
Ellaahi mein tujh se Dua maangta hoon
Atta kar tu Shaan-e-Kareemi ka sadqa
Atta kar de Shaam-e-Raheemi ka sadqa
Na maangunga tujh se tau maangunga kis se
Tera hoon mein tujh se Dua maangta hoon
Jo muflis hain un ko tau daulat atta kar
Jo beemaar hain un ko sehat atta kar
Mareezoon ke khaatir shifa maangta hoon
Ellahi mein tujh se dua maangta hoon
Meri jo behan bhi kunwaari mai Maula
Ussay naik rishta atta kar de Maula
Mein sadqa-e-Zehra sada maangta hoon
Ellahi mein tujhse dua maangta hoon
Jo nadaar hain kuch nahe jin ke pallay
Unhain bhi dikha de Haram ke tu jalway
Hazroori ho sab ki dua maangta hoon
Ellahi mein tujh se duwa maangta hoon
Wattan ke bharaktay sharaaray bhuja de
Issay phir akhuwat ka gulshan bana de
Mein amn-o-aman ki ridda maangta hoon
Ellahi mein tujh se dua maangta hoon
Ellahi tujhse waasta Panjtan ka
Ho shadaab guncha diloon ke chamman ka
Mein sadq-e-Ghous-ul-Wara maangta hoon
Ellahi mein tujh se dua maangta hoon
**