ASALAMUALYKUM ALL
“USTAAD SALEEM KAUSAR KI EK AAFAQI NAZM…ASAL NAZM BOHOT TAVEEL HAI LEKIN CHEEDA CHEEDA ASHAAR PESH-E-KHIDMAT HAIN…KOSHISH KEJYE GA PARHNAY KI…INTIHAI KHOOBSOORAT SHAIRI HAI.”
POOCHNAY WALAY TUJHAY KESAY BATAYEN AKHIR
DUKH IBARAT TU NAHI JO TUJHAY LIKH KAR BHEJAIN
YE KAHANI BHI NAHI HAI KE SUNAYEN TUJH KO
NA KOI BAAT HAI AISI KE BATAYEN TUJH KO
YE KOI RAAZ NAHI JIS KO CHHUPAYEN TU WO RAAZ
KABHI CHEHRAY KABHI ANKHON SE CHHALAK JATA HAI
JESAY ANCHAL KO SAMBHALAY KOI, AUR TEZ HAWA
JAB BHI CHALTI HAI TU SHANON SE DHALAK JATA HAI
AB TUJHAY KESAY BATAYEN HAMAIN DUKH KIA HAI
JISM MEIN REENGTI REHTI HAI MUSAFAT KI THAKAN
APNAY KANDHON PE UTHAYE HUAY HAALAAT KA BOJH
APNAY QAMON SE HATATAY HUAY SAYA APNA
JIS KO BHI DEKHYE CHUP CHAP CHALA JATA HAI
KABHI KHUD SE KABHI RASTON SE ULAJHTA HAI MAGAR
JANAY WALA KISI AWAZ PE RUKTA HE NAHI
TU SAMAJHTA HAI KE KHUSHBU SE MO’ATTAR HAI HAYAT
TU NE CHAKHA HE NAHI ZEHER KISI MOSAM KA
TUJH PE GUZRA HE NAHI RAQS-E-JUNOON KA AALAM
TU KABHI WAQT KI DEHLEEZ PE THEHRA HE NAHI
ZINDAGI FILM NAHI HAI KE DIKHAYEN TUJH KO
TU NE POOCHA HAI MAGAR KESAY BATAYEN TUJH KO
DUKH…TU MEHSOOS HUA KARTA HAI
CHAHAY TERA HO KE MERA DUKH HO
ADMI WO HAI JISAY JEETAY JI
SIRF APNA NAHI SAB KA DUKH HO
CHAAK HO JAYE JO IK BAAR HAWAS KE HATHON
JAMA-E-ISHQ DOBARA TU NAHI SILTA HAI
AASMAN MERI ZAMEENON PE JHUKA HAI LEKIN
TERA AUR MERA SITARA HE NAHI MILTA HAI