Ek mudat hui ek zamana hua.........

elaaf · September 14, 2010, 12:38pm

*Ek muddat hui ek zamanaa hua
Khaak-e-gulashan main jab ashiyana hua

zulf-e-baraham ki jab se shanasai hui
zindagi ka chalan mujremana hua

phool jalate rahe chaand hansate raha
arazo ka muqammal fasana hua

dagh dil ke shahanshah ke sikke bane
dil ka muflis-kada jab Khazana hua

rahbar ne palat kar na dekhaa kabhi
rahr-o-raaste kaa nishaanaa huaa

ham jahan bhi gaye zauq-e-sajda liye
har jagah ap ka asatana hua

dekh mizarab se Khoon Tapakane laga
saaz ka taar marg-e-tarana hua

pahale hoti thi koi vafa-paravari
ab to “Saagar” ye qisa purana hua

Sheal · September 14, 2010, 3:26pm

Re: Ek mudat hui ek zamana hua…

nice sharing :k:

Boredman · September 14, 2010, 3:32pm

Re: Ek mudat hui ek zamana hua…

wow cool

sarmad786 · September 14, 2010, 4:00pm