** Aadaab Dosto !
=========================
GHAZAL:
Hasrat-o-yaas ko ruKhSat kiyaa ikraam ke saath i'shq meN apnee to guZree baRe aaraam ke saath!
laZZat-e-kufr mile laZZat-e-Islam ke saath naam aa jaaYe agar meraa tire naam ke saath!
e’tibaar aaYe bhee to kis t^araH aaYe tujh par?
raNg-e-zunnaar bhee hai tuhmat-e-iHraam ke saath!
paas aate gaYe woh Khwaab meN leHz^ah leHz^ah
door hotee gayee manzil miree har gaam ke saath`
waah! yeh Khoobee-e-qismat keh sar-e-shaam-e-umeed
us kaa paiGhaam jo aayaa bhee to ilzaam ke saath!
aa,o ham mil ke nayee raah-e-muHabbat Dh`ooNDeN
kab talak koyee nibaahe rawish-e-a’am ke saath?
Hasrat-o-aarzoo, ummeed-o-tamannaa, armaaN!
laakh aazaar lage haiN saHar-o-shaam ke saath!
kyaa hee aate haiN maze donoN jahaaN ke “Sarwar”
gardish-e-jaam bh`ee hai gardish-e-ai,yyaam ke saath !!!**