vo dil ka bura, na bay-vafa tha
bus mujh say yoon he bichar gaya tha
lafzoon kee hadoon say ma-vara tha
ab kis say kahoon vo shakhs kia tha
vo miree gazal ka aaina tha
har shakhs ya batt janta tha
main us kee ana ka aasra tha
vo mujh say kabhee na rootha tha
main dhoop kay bun meen jal raha tha
vo saya-e-abar ban gaya tha
main banjh rutton ka aashna tha
vo mousam-e-gul ka zaiqa tha
kia kuch na us say kaha gaya tha
us nay to laboon ko see lia tha
vo chand ka hamsafar tha shayad
ratoon ko tamam jagta tha
hounton meen guloon ke narm khushboo
batoon meen to shahad ghoolta tha
kahnay ko juda tha mujh say leken
vo mere ragoon meen gonjta tha
us nay jo kaha, kia vo dil nay
inkar ka kis meen hosla tha
yoon dil meen thee yadd us ke jaisay
masjid meen chirag jal raha tha
matt pooch hijab kay qareenay
vo mujh say be kam he khul saka tha
us din mira dil be tha pareshan
vo be miray dil say kuch khafa tha
main be tha dara hoa sa leken
rang us ka be kuch urra urra tha
ek khof sa hijar kee rutton ka
donon pay muheet ho chala tha
ek rah say main be tha gurezan
ek mour pay vo be ruk gaya tha
ek pal main jhapak gayee jo aankhen
manzir he manzir dosra tha
socha to thahar gaya zamana
dekha to vo door ja chuka tha
qadmoon say zameen sirak gayee the
suraj ka be rang sanvla tha
chaltay hoay log ruk gay thay
thahara hoa shahar ghomta tha
sahmay hoay pair kamptay thay
patoon main hiras raingta tha
rakhta tha main jis meen khuvab apnay
vo kanch ka ghar chatakh gaya tha
hum donon ka dukh tha aaiak jaisa
ehsas magar juda juda tha
kal shab vo mila tha doston ko
kahtay heen uddas lag raha tha
mohsin ya gazal hay ya rubayee hay
shayad tera dil dukha hoa tha
Hehehe