Apne Maazi ke tasavoor se hiraasa hoon mein
Apne guzre hue ayyaam se nafrat hai mujhe
Apni bekaar tamanaaoo pe sharminda hoon
Apni be-sood umeedoo pe nidaamat hai mujhe
Mere maazi ko andhere mein daba rehne do
Mera maazi meri zilat ke siwa kuch bhi nahi
Meri umeedoo ka hasil meri kaavish ka sila
Ek benaam aziyat ke siwa kuch bhi nahi
Kitni bekaar umeedoo ka sahara le kar
Mein-ne aiwaan sajaa-ye the kisi ke khaatir
Kitni be-rabt tamanaoo ke mabham khaake
Apne khwaaboo mein basaa-ye the kisi ke khaatir
Mujh se ab meri mohabbat ke fasaane na kaho
Mujh ko kehne do ke mein-ne Unhe chaaha hi nahi
Aur woh mast nigaahe jo mujhe bhool gayi
Mein-ne Un mast nigaahoo ko saraaha hi nahi
Mujh ko kehne do ke mein aaj bhi jee sakta hoon
Ishk nakaam sahi, zindagi nakaam nahi
Un ko apna-ne ki khawaaish, Unhe paane ki talb
Shauk bekaar sahi, sa’i-gam anjaam nahi
Wahi ghesoo wahi nazar wahi aaridh wahi jism
Mein jo chahoo ke mujhe aur bhi mil sakte hai
Woh kawal jin ko kabhi un ke liye khilna tha
Un ki nazrooo se bahut door bhi khil sakte hai
[This message has been edited by Jeera Blaid (edited May 27, 2002).]