Starting a new thread, where one word will be given for two weeks and all shairs posted must have that word. If possible mention the name of the poet as well.
The first word is **KHALISH
I will start:
koi mere dil se poochhe tere teer-e-neem kash ko
ye khalish **kahaan se hoti jo jigar ke paar hotaa
[Mirza Ghalib]
Re: Eik Lafz
Ishq aaghaz main halki si khalish rakhta hai
baad main senkRon aazar se lag jate hain
Poet: Ahmed Faraz
Re: Eik Lafz
kyaa Khabar thii **Khalish****-e-naaz na jeene degii
ye terii pyaar kii aavaaz na jeene degii
Jigar Moradabadi**
Re: Eik Lafz
Ae dil ki khalish chal yun hi sahi, chalta to hoon un ki mehfil main.
uss waqt mujhay chonka dena, jab rang pai mehfil aaaajaye.
Behzad Lakhnawi
Re: Eik Lafz
yeh kis khalish ney phir iss dil meiN aashiyaana kiya
phir aaj kis ney sukhan hum sey ghaayebaana kiya
Faiz Ahmed Faiz
Re: Eik Lafz
*dil kii Khalish to saath rahegii tamaam umr
dariyaa-e-Gam ke paar utar jaayeN ham to kyaa *
Munir Niazi
Re: Eik Lafz
Samay Samay Ki*** Khalish****** Men Tera Malal Rahe
Judaiyon Men Bhi Yun Alam-E-Visal Rahe
FARHAT ABBAS SHAH
Re: Eik Lafz
Main Pa Na Saki Aaj Tak Is Khalish Se Chutkara Mohsin
Wo Mujhey Jeet bhi Sakta tha, Magr Haara Kiyon
Mohsin Naqvi
Re: Eik Lafz
ek jaa.n-soz o naa-muraad KHalish
is taraf hai udhar nahii.n hotii
Ibn e Insha
Re: Eik Lafz
na dil main ab wo KHalish hai na zindagii main taRap
ye kah do phir mere dard-e-nihaaN se lauT aae
Khatir Ghaznavi
Re: Eik Lafz
jaatii nahii.n KHalish-e-alam roz-gaar kii
ai aasmaa.n hu.aa vo teraa inqalaab kyaa
Fani Badayuni
Re: Eik Lafz
Kisi Or Gham Mein Itni Khalish-E-Nihaa'n Nahi Hai,
Gham-E-Dil Meray Rafeeqo! Gham-E-Raaigaa'n Nahi Hai.
Koi Ham-Nafas Nahi Hai, Koi Raaz-Daa'n Nahi Hai,
Faqat Aik Dil Tha Ab Tak So Wo Mehrbaa'n Nahi Hai.
Mustafa Zaidi
Re: Eik Lafz
Khalish-E-Hijr Daayimi Na Gayi
Tere Rukh Se Yeh Berukhi Na Gayi
Poochte Hain Ki Kya Hua Dil Ko
Husn Waalon Ki Saadgi Na Gayi
Munir Niyazi
Re: Eik Lafz
iltafaat samajhooN yaa be-ruKhii kahooN is ko
rah gaii Khalish ban kar usakii kam-nigaahii bhii
''Majrooh'' sultanpuri
Re: Eik Lafz
Kyaa Khabar thii Khalish-e-naaz na jiine degii
Ye terii pyaar kii aavaaz na jiine degii
Jigar Moradabadi
Re: Eik Lafz
**ai dil kii Khalish chal yoon hii sahii, chalataa to hooN un kii mehfil meN
us waqt mujhe chaunkaa denaa jab rang pe mehfil aa jaaye
Behzad Lucknawi**
Re: Eik Lafz
**mere dard mein ye khalish kahaan mere soz mein ye tapish kahaan
kisii aur hii kii pukaar hai merii zindagii kii sadaa nahin
Jigar Moradabadi**
Re: Eik Lafz
**ye kis Khalish ne phir is dil me.n aashiyaanaa kiyaa
phir aaj kis ne suKhan ham se Gaayebaanaa kiyaa
Faiz Ahmed Faiz**
Re: Eik Lafz
woh naa aaye tou sataati hai khalish si dil kou
woh jou aaye tou khalish aur jawaaN houti hai
Sahir hoshiyarpuri
Re: Eik Lafz
**Mere Dard Mein Ye Khalish Kahaan Mere Soz Mein Ye Tapish Kahaan
Kisi Aur Hi Ki Pukaar Hai Meri Zindagi Ki Sada Nahin**
*
** Koi Mere Dil Se Poochhe Tere Teer-E-Neem-Kash Ko
**
** Ye Khalish Kahaan Se Hoti Jo Jigar Ke Paar Hota
***Ai Dil Ki Khalish Chal Yun Hi Sahi, Chalta To Hoon Un Ki Mahfil Mein
Us Vaqt Mujhe Chaunka Dena Jab Rang Pe Mahfil Aa Jaaye