Pichhley december ki tarah is baar bhi maiN khud ko yeh nazm likhney sey baaz naheen rakh payi… so bardasht kijiye
**Akhri chand din december key
her baras hi garaaN guzartey haiN
khwahishooN key nigaarkhaney sey
kaisey kaisey gumaaN guzartey haiN
raftgaaN key bikhartey sa’ayooN ki
ik mehfil si dil meiN sajti he
phone ki dairy key safooN sey
kitney number pukartey haiN mujee
jin sey marboot benawa ghanti
ab faqt mery dil meiN bajti he
kiss qadar pyare pyare namooN per
reengteeN badnumaa lakeereeN si
meri aankhooN mein phail jati haiN
doriyaaN da’airey banati haiN
dehaaN ki seerhiyooN pe keya keya aks
masha’aleeN dard ki jagatey haiN
aisey kaghaz pe phail jatey haiN
hadsey key muqaam per jaisey
khoon key sookhtey nishanooN per
chaak sey laineeN lagatey haiN
her desember key aakhri dinnoN meiN
her baras ki tarah ab key bhi
dairy ik sawal karti he
keya khabar is baras key aakhir tak
mery in becharagh safhooN
kitney hi naam kat gaye hooN gey
kitney number bikhar key rastooN mein
gard-e-maazi sey att gaye hooN gey
khaak ki dhairiyooN key daman meiN
kitney tufaan simat gaye hooN gey
her december meiN sochta hooN maiN
eik din is tarah bhi hona he
rang ko roshni meiN khona he
apney apney gharooN meiN rakhi hoyi
dairy dost dekhtey hoon gey
in ki aankhooN key khaak-danooN meiN
ik sehra sa pailta ho ga
our kochh benishaaN safhooN sey
naam mera bhi kat geya ho ga…**
-A.I.A
