Eid-e-QurbaaN par Aashiq BakraY kaa ehwaaL

AQ · December 7, 2008, 12:36am

Kaash maiN eid-e-QurbaaN kaa ik bakraa hotaa
bakra peeRhi maiN gaahikoN kaa jhaGraa hotaa

teraY abba mujhay khareed kar ghar laataY jub
chaaRaa pakRay teri baaNhoN kaa narghaa hotaa

Tu baRi Chaahat say meraY seeNg, meray kaaN pakaRti
meray sar par bhee mohabbat maiN nakhraa hotaa

Tu sajaati meray badan ko, lagaati mehndi uss ko
iss kaam maiN teraa kitnaaa hee kharchaa hotaa

Tu lay kay jub nikalti sar-e-shaam mohallay maiN mujhay
Saaray bakroN maiN phir meri qismat kaa charchaa hotaa

Jub bhee tu laRaati mujhay mohallay kay bakroN say
shehr bhar maiN phir unn kee izzat kaa kachraa hotaa

Phir aa jaati shab-e-hij’r, eid-e-qurbaaN kee raat
Tujh say bichaRnay kaY gha’m maiN mujhay larza hotaa

KuT jaataa maiN ishq maiN teraY, roz-e-eid iss tarah
Tu nay haathoN maiN meri kaleeji, mera gurdah pakRaa hotaa

–BY: AQ
December 6, 2008

goodnews · December 7, 2008, 12:44am

Re: Eid-e-QurbaaN par Aashiq BakraY kaa ehwaaL

Annu:omg:
Jub bhee tu laRaati mujhay mohallay kay bakroN say
shehr bhar maiN phir unn kee izzat kaa kachraa hotaa

dhobi_bhai · December 7, 2008, 12:53am

Re: Eid-e-QurbaaN par Aashiq BakraY kaa ehwaaL

Absolute masterpiece. I like both logos of GS in the picture. Brainstormed it really well, AQ Bhai. :biggthumb

UZ · December 7, 2008, 2:27am

Aliyish · December 7, 2008, 3:23am

Re: Eid-e-QurbaaN par Aashiq BakraY kaa ehwaaL

**Gar Shakal mere Shahid kapooR or Body Salu jayse hote **
tu mere waja se muhalay ki baakRiyooN mein bi JhaGraa hota

kamal kardia Anu miyan , wah bi wah