**
Hay Wohi Aasmaan,
Zameen Wohi…
Maah-O-Anjum Usi Trah,
Usi Trah Roshan,
Kehkishaan Ab Bhi Muskurati Hay
Phool Kaliyaan Mehek Rahi Hain Yunhi…
Ba’d Muddat K Saary Pardesi,
Apny Apny Gharon Ko Aaye Hain!
Hr Taraf Rung-O-Boo Ka Mela Hay…
Aur Tanha Main Apny Kamry Me,
Kb Se Bethi Hun Aur Sochti Hun…
Jaany Kya Baat Hay,
Mery Ghar Me…
Jo Guzishta Baras Thi Ronaq,
Ab Wo Kaheen Bhi Nazar Nhin Aati!
Hay Faza Me Ajeeb Sannaata,
Haan! Faqat Ek Tery Jaany Se!
Aesa Mehsoos Ho Raha Hay Mujhy…
Rutt Khushi Ki To Hr Taraf Aai…
Sirf Chhoty Se Mery Aangan Me,
Eid Ab K Baras Nhin Aai…**
