Ehwaal-e-jaaN

Arts & Culture Poetry ( Intikhaab & Sho'ra-e-Gupshup)
1

**Ehwaal-e-jaaN **
**
Merey hum’nawa merey hum’sfar
tujhey kya pata tujhey kya khabar
terey baad waqt ney merey saath
kya nahi kia terey naam par…

Kabhi rok kar sar-e-rah’guzar
kabhi din dhaley kabhi raat bhar
kabhi makh’masoN ke hajoom meiN
kabhi khaahishoN ke mazaar par
yuN khushi, khushi wo chala gaya
mujhey haNsi, haNsi meiN ujaarr kar

Teri jus’tuju ke fareib sey
teri aarzu ke saraab tak
ba’sad khushi meiN seh gaya
so qayaamatoN se azaab tak
mein taar, taar yuN jal gaya
ke jhulas gaey merey khaab tak

KarooN kya gila meiN naseeb sey
mujhey gham miley heiN ajeeb sey
aey dard-o-gham karo ye karam
mujhey baandh do ab saleeb sey
koi uzr baney ab Khuda karey
jo badan sey rooh ko juda karey

Merey hum’nawa merey hum’sfar
tujhey kya pata tujhey kya khabar
terey baad waqt ney merey saath
kya nahi kia terey naam par…

**
[INDENT=5]

http://i53.tinypic.com/2pqp1y9.gif

[/INDENT]

2

Re: Ehwaal-e-jaaN

:lajawab:
:clap:

boht khobsorat aur lajawab :k:

boht din bad Amal ne kuch share kia…lekin hamesha ki tarah dil ko choo lene wali poetry hai :slight_smile:

3

Re: Ehwaal-e-jaaN

kisi aik sher pe daad de dun tu dusre ko na sarahna ziadti ho gi...sari nazm he kamaal hai.

4

Re: Ehwaal-e-jaaN

saleeb se nai bandhna :crying:

5

Re: Ehwaal-e-jaaN

Bohat khoob Amal bhai,
bohat achhi nazm pesh ki hay aap ne.
bohat si daad aap ke liay.

6

Re: Ehwaal-e-jaaN

Beautiful…

7

Re: Ehwaal-e-jaaN

Hosla-afzaai ke leeye shukriya :)

8

Re: Ehwaal-e-jaaN

kia kahoon
:lajawab: ya :clap: ya:k:

kia yi kafi hun ge
itna khobsurat likha aap ne k perhne k baad bhi MAHWIAT nahi tut,ti

to DAAD kese den .sorry:sheen:

9

Re: Ehwaal-e-jaaN

You said it all jiia…I don’t remember if I ever had such a generous apprecition. Bohat shukriya :slight_smile: