tum ko tanhaai ka ehsaas dilaoon kesey
khud to jalta hoon main ab tumko jalaoon kesey
zare zare ko jila main ne dia chahat se
pathroon ko bhi main ab gham se rulaoon kesey
mera ghar khud mujhey zindaan nazar aata hai
apni mehfil se andheroon ko mitaoon kesey
wo musafir hoon jo thak jaata hoon chalte chalte
Gham se bojhal hoon main rahbar ko bataoon kesey
main ne har daur main hasrat ka janaza dekha
phir bhi main khaak main hasrat ko milaoon kesey
