Ek naam sochnay mein lagta hai wakt ab tau
Kya kya na sochta thaa kuch dair sochnay mein
Mere pukarnay per shayad woh laut aata
Khud mein hi reh gaya thaa kuch dair sochnay mein
Lamhoon ke faisloon mein sadeyoon ka faasla thaa
Woh door ja chuka thaa kuch dair sochnay mein
Ek umer ki rafaqat pal bhar mein khatam kar di
Zaalim harj hi kya thaa kuch dair sochnay mein
Dushman ki sattah per mein kyon khud ko laoon ‘Mohsin’
Ehsaas jaag uthaa thaa kuch dair sochnay mein …
*
[Mohsin Bhopali]