Aa jaa ke iztiraab mein hai jaan tere baghair
Hota nahee sukoon ka samaan tere baghair
Kehne ko be-shumaar nazaaray hain yaan magar
Duniya dikhaee deti hai weeraan tere baghair
Dilkash hai rang-e-ghuncha na pur-kaif bu-e-gul
Kis kaam ki hai fasal-e-baharaan tere baghair
Tere hi rukh ke noor se qaayam thee us ki taab
Maddham hai dekh maah-e-darakshaan tere baghair
Jaise kitaab-e-dehar pe ek harf-e-na tamaam
Kya hai mera wajood meri jaan tere baghair
Sab kuch ho paas tu jo nahee tu kuch nahee
Khaali hai mere shauq ka daaman tere baghair
Jab tu mila tu jaise kinaara mila mujhe
Thee zeest ek mauj-e-pareshaan tere baghair
Tu saath thaa tu mein ne tere qadar hi na ki
Phirta hoon aaj khwaar-o-pashemaan tere baghair
Manzar tere vidaa ka ab bhi hai saamne
Tham si gaee hai gardish-e-dauraan tere baghair
Yeh maujazza nahee tu bhala aur kya hai phir
Zinda hoon aaj bhi mein ay zindagi tere baghair
Ay jaan-e-shaadmaani-o-ishrat chal aa bhi jaa
**Amarbail** hai ranj-o-gham se hirasaan tere baghair...
Re: ~Duniya dikhae deti hai weraan tere baghair~
nice :k:
Nice :k:
Muslim_Queen aur chand_chehra aap ka shukriya ...