**Ankh se door na ho dil se utar jaega
Waqt ka kia hai guzarta hai guzar jaega
Itna manus na ho khalvat e gham se apni
Tu kbhi khud ko bhi dekhega tou darr jaega
Doobte doobte kashti ko uchala de doon
Main nahi koi tou sahil pe utar jaega
Zindagi teri ataa hai tou ye jaane wala
Teri bakhshish teri dehliz pe dhar jaega
Zabt lazim hai magar dukh hai qayamat ka Faraz
Zalim ab k bhi na roye ga tou marr jaega!**