Ali ki valda aayeen theen, jis din ghar humare tou
Woh un ke burqe ka kona pakad ker baitha tha gum sum
Bataya hichkiyon ke darmiyan iss pal unhon ne yeh
Ali masjid gaya tha mar gaya hai bum dhamake mein
Woh rote rote phir uth ker chali theen ghar ki janib ko
Magar woh tou wohin baitha raha waise hee kursi per
Aur ab hur pal yahin pe reh raha hai woh
Kabhi kursi pe takiye per
Kabhi sofe ke kone per
Kabhi khane ki table per
kabhi t.v. ki trawly mein
Yunhi baitha hai hur pal jaagta rehta hai hur dum woh
Poet:Mir Zafar Hussein