Who Aik Lamha
K Jab Kissi Ki Haseen Zulfon Ki Narm Chaion Main
Aankh Moonday Gaye Dinon Ka Khayal Kar K
Tum Aik Lamhay Ko Kho Say Jaio Gay Aur Shayad
Na Chah Kar Bhi Udas Hogay
Tu Koi Shereen Nawa Yeh Poochay Ge
‘Mere Jan!Tum Ko Kia Hua’?
Yeh Kis Tasawar Main Kho Gaye Ho?
Tumharay Honton Pay Subah Ki
Awaleen Kiran Ki Tarhan Say
Ubhray Ge Muskurahat
Tum Is K Rukhsar Thapthapa Kay
Kaho Gay Is Say..
‘Main Aik Larki Ko Sochta Tha
Ajeeb Larki Thi Kitni Pagal!’
Tumhari Sathi Ki Khubsoorat Jabeen Pay Koi
Shikan Banay Ge
To Tum Baray Pyaar Say Hanso Gay
Kaho Gay Is Say
‘Aray Who Larki
Who Meray Jazbat Ki Himaqat
Who Is Qadar Baywaqoof Larki
Meray Liye Kab Ki Mar Chuki Hay!’
Phir Apni Saathi Ki Narm Zulfon Main
Unglian Phiartay Huay Tum
Kaho Gay Is Say
Chalo’Naye Aanay Wali Kal Main
Hum Apnay Mazi Ko Dafan Kar Dain…