Dukh dard kii sauGaat haii duniyaa terii kyaa haii!!

Arts & Culture Poetry ( Intikhaab & Sho'ra-e-Gupshup)
1

**Dukh dard kii sauGaat haii duniyaa terii kyaa haii
ashko’n se bharii raat haii duniyaa terii kyaa haii

kuchh log yahaa’N nuur-e-sahar DhuuNDh rahe hain
taariik sii ik raat haii duniyaa terii kyaa haii

paaband-e-mashiyat haii tanaffus bhii nazar bhii
ik jaziyaa-e-lamhaat haii duniyaa terii kyaa hai

taqadiir ke chehare kii shikan dekh rahaa huu’N
aa_iinaa-e-haalaat haii duniyaa terii kyaa haii

majaruuh-e-taqaddus haii taqaddus kii haqiiqat
ruudaad-e-Kharaabaat haii duniyaa terii kyaa haii

“Sagar” me’n chhalakate hai’n samavaat ke asraar
saaqii kii karaamaat haii duniyaa terii kyaa haii **

Saagar Siddiquii !

2

**salaam,

ummeed hai k mizaaj-e-giraamii ba_Khair hoNge. aap ne jo Ghazal post kii hai bahooot umda hai ... shukria share karne ke liye :)

lafz e israar aapne likhaa hai ise asraar likheN to bahtar hai kiuN k israar kaa matlab hotaa hai insist karna zid karna jab k asraar jam'a hai sirr kii jiske ma'nii hote ahiN raaz / secrets. :) plz correct kar lijiye. shukria**

3

Re: Dukh dard kii sauGaat haii duniyaa terii kyaa haii!!

:k:
ap ki urdu se mje hashmat yad arhay han:(

4

Re: Dukh dard kii sauGaat haii duniyaa terii kyaa haii!!

Good One Adeel..:k:

Timepass February 2015 _ Jashn e BaharaN
5

MashaAllah, kitni samajhdaar hain aap Sana..

6

**
hayeN? :o yeh Hashmat naa-ma’qool kaun hai? mere saamne vo bekaar nazar aayeNge…jaane kaise kaise chale aate haiN…mere aage vo kuchh nahiiN ;)**

7

Re: Dukh dard kii sauGaat haii duniyaa terii kyaa haii!!

bohat khoob

8

behad Shukriya janab ka :slight_smile: :flowers:

9

ThnX *KHALIL KHAAN FAAKHTA, ARYAAN , TERRAY NAAM :) *

Timepass February 2015 _ Jashn e BaharaN