dost hotaa nahiin

Arts & Culture Poetry ( Intikhaab & Sho'ra-e-Gupshup)
1

**dost ban kar bhii nahiin saath nibhaane vaalaa
vahii andaaz hai zaalim kaa zamaane vaalaa
ab ise log samajhate hain giraftaar meraa
saKht nadiim hai mujhe daam mein laane vaalaa
kyaa kahen kitane maraasim the hamaare is se
vo jo ik shaKhs hai muunh pher ke jaane vaalaa
tere hote hue aa jaatii thii saarii duniyaa
aaj tanhaa huuN to koii nahiin aane vaalaa
muntazir kis kaa huuN TuuTii huii dahaliiz pe main
kaun aayegaa yahan kaun hai aane vaalaa
main ne dekhaa hai bahaaron mein chaman ko jalate
hai koii Khvaab kii taabiir bataane vaalaa
kyaa Khabar thii jo merii jaan mein ghulaa hai itanaa
hai vahii mujh ko sar-e-daar bhii laane vaalaa
tum taqalluf ko bhii iKhalaas samajhate ho ‘Faraz’
dost hotaa nahiin har haath milaane vaalaa **

2

Re: dost hotaa nahiin

:hayaa: ye ghazl hai ya musalsal nazm

3

Re: dost hotaa nahiin

aap behtar janty hain

4

Re: dost hotaa nahiin

lols.. nahin ab Ghazal bun gai hai… one of the most known ghazals of Ahmed Faraz :k:

My favorite shair from this ghazal is:

**main ne dekhaa hai bahaaron mein chaman ko jalate
hai koii Khvaab kii taabiir bataane vaalaa

aapka?
**

5

Re: dost hotaa nahiin

Bohat khoob.........

6

Re: dost hotaa nahiin

*tere hote hue aa jaatii thii saarii duniyaa

aaj tanhaa huuN to koii nahiin aane vaalaa
muntazir kis kaa huuN TuuTii huii dahaliiz pe main

kaun aayegaa yahan kaun hai aane vaalaa *