dost ban kar bhii nahii.n saath nibhaanevaalaa

Truth_Is_Beauty · September 21, 2002, 4:23pm

dost ban kar bhii nahii.n saath nibhaanevaalaa
vahii andaaz hai zaalim kaa zamaanevaalaa

ab ise log samajhate hai.n giraftaar meraa
saKht nadiim hai mujhe daam me.n laanevaalaa

kyaa kahe.n kitane maraasim the hamaare is se
vo jo ik shaKhs hai muu.Nh pher ke jaanevaalaa

tere hote hue aa jaatii thii saarii duniyaa
aaj tanhaa huu.N to ko_ii nahii.n aanevaalaa

muntazir kis kaa huu.N TuuTii hu_ii dahaliiz pe mai.n
kaun aayegaa yahaa.N kaun hai aanevaalaa

mai.n ne dekhaa hai bahaaro.n me.n chaman ko jalate
hai ko_ii Khvaab kii taabiir bataanevaalaa

kyaa Khabar thii jo merii jaan me.n ghulaa hai itanaa
hai vahii mujh ko sar-e-daar bhii laane vaalaa

tum taqalluf ko bhii iKhalaas samajhate ho ‘Faraz’
dost hotaa nahii.n har haath milaanevaalaa

GuL-e-Tasbeeh · September 21, 2002, 5:51pm

Nice, Thanks for sharing Truth:)

nikii · September 21, 2002, 7:02pm

tum taqalluf ko bhii iKhalaas samajhate ho 'Faraz'

dost hotaa nahii.n har haath milaanevaalaa

wah wah truthi ji :)
wasay yeh dost wost pay bari posting ho rahi ha aj kal kher ha na ;)

Lamhay · November 5, 2002, 8:08am

haaaa
kyaa Khabar thii jo merii jaan me.n ghulaa hai itanaa
hai vahii mujh ko sar-e-daar bhii laane vaalaa

good one

arifnawaz1 · November 5, 2002, 9:55am

Good one...

Dost ban ban ke milay mujh ko mitaanay walay... !

Jaan_Lewaa · November 5, 2002, 2:41pm

Re: dost ban kar bhii nahii.n saath nibhaanevaalaa

bhut khoob:k:

HeArT_HaCKeR · November 5, 2002, 4:29pm

:k: nice 1 :k:

ghazal_kisi_ke · November 7, 2002, 3:10am

very nice:)
:k:

ghazal_kisi_ke · November 7, 2002, 3:11am

very nice:)

Dost ban ban ke milay mujh ko mitaanay walay:teary3: