HijR ki pehlii shaam se ab tuk
Jitnii shaamien gunzrii theen
Un ki pather chup mien, mae ne
Us k saamne kerne walii
Kia kia baatien socheen theen
“Baatien guzrein barsoN ki jo hum ne alug se kaatay hien GhamoN ki aur un khushiyoN ki hum jin se ho ker guzray hien JeetoN aur un maatoN ki jo umer-e-rawaN ka rizQ hoeen
AasoN aur umangoN ki jo dasht-e-guma`N ka rizQ hoeen”
Kaise kaise bhatkhay aaho, sehra-e-amkaan mein aaye
Shama-e-talab k kaise kaise roshan pehlu dhiyaan mien aaye
Dhaaltii raat ka jaadoo ho ga
Lamha lamha khushbo` ho ga
phool aur titlii yakja hoon ge
Rang hawa se paida hoon ge
Aik hee vasal ki barish se wo saray shikwe dho de ga
Yanii mere saath lipat ker kuch na kahay ga ru de ga
Armano`N ka phool achanuk khil hee gaya
Jis k ghum mein aankh barastii rehtii thee
Aaj mujhe wo mil hee gaya
Jis ko merii pyaas tarastii rehtii thee
Wo aik chalakta jaam mere hamra raha
Aaj wo sarii shaam mere hamra raha
Lekin ab wo aur tha koii, aur tha us ka roop nagaR
Oos rukii thee ankhoN mien tu raakh jamii thee baaloN per
Aur koii thee duniya us ki, aur thay us k shaam-o-seheR
Merii hairat likhii hoee thee shayad mere chehre per
Us ne kaha, "tum mujhe na dekho Aab-e-rawa`N-e-WaQt se pochuu
Jeevan k us pull neechay se kitna panii guzaR chuka hai
Mujhe mein jo aik shaks tha zinda, wo tu kub ka bikheR chuka hai
Mae tu faQat rasta hon us ka, darya jo tha uteR chuka haii
Aao chalo ab apni apnii duniya ko hum lout chalien
Hadd-e-abad tuk is rastay mein bikhre hien ghum, lout chalien"
Paltay hum tu hum dono`N k saath zamana palat gaya
Un-dekhii tabeer lene ik khwaab purana palat gaya
ChaaroN janib bikher rahi thee Ik adhoorii tanhaii Hawa ne ruk ker hum donoN ko
Murrtay dekha tu ghabraii
Pat-jharr ki dehleez pe us ne
Pairr se sargooshii ki
Us k baad us rah-guzaR per
Duur talak khamoshii thee
AasmaaN per badal tha aur us mein taaray simtay thay
Hum donon k Qadmo`N se kuch sookhay pattay liptay thay!!
**
~Amjad Islam Amjad~*
**
