Din raat k anay janay main
Dunya k ajaib khanay main
Kabhi sheeshay dhundlay hotay hain,
Kabhi manzar saaf nahi hotay
Kabhi suraj baat nahi karta
Kabhi taaray aankh badaltay hain
Kabhi manzil peechay rehti hay
Kabhi aasai’n tor nahi charhtee’n
Kabhi khadshay puray hotay hain
Kabhi aankhain dekh nahi sakteen
Kabhi khwaab adhuray hotay hain
Yeh sab to sahih hai lekin
Aashob k manzar khaanay main
Dunya k ajaib khaanay main
Kuch saaya karti aankho’n k
Paimaa’n to dikhaai dete hain
Haatho’n se agarchay dur sahi imkaan to dikhaai dete hain
Haan rait k us darya k paar
Ik pairro’n waali basti k
Unwaa’n to dikhaai dete hain
Manzil se koso’n dur sahi
Pur-dard sahi ranjur sahi
Zakhmo’n se musaafir chur sahi
Par kis se kahain aay jaan-e-wafa
Kuch aisay ghaao bhi hote hain
Jinhain zakhmi aap nahi dhotay
Bin roay huay aansu ki tarah
Seenay main chhupa ker rakhtay hain
Aur saari umr nahi rotay
Neend’ain bhi muhaya hoti hain, sapnay bhi dur nahi hotay
Ab kis se kahai’n ay jaan-e-wafa
Yeh ahl-e-wafa
Kis aag main jaltay rehtay hain
Kyun bujh ker raakh nahi hotay
Re: Din raat k anay janay main
nice.
Is it by Amjad Islam Amjad?
Re: Din raat k anay janay main
Very nice poem by AIA.