http://i53.tinypic.com/25iuj3d.jpg
**
Bharosa jab too’ta hai tau
Umeedoon ki har bailain
Achaanak sookh jaati hain
Muhabbat aashna aankhoon se
Neendain rooth jaati hain
Dukhoon ka taiz khanjar dil ko
Yak-dam cheer daita hai
Haqeeqat ka zehar
Yaadoon ki rag mein uttar kar
Un ki saansain cheen laita hai
Bharosa toot’ta hai jab tau
Dil ki ujjri basti mein
Dia koi nahe jalta
Humakta dil ka panchi
Pyar ki rutt ko tarasta hai
Hawa’oun aur fiza’oun se
Kabhi phoolon ki baarish
Phir nahe hoti
Bas ek path-jhar ka mausam
Thehar jaata hai
Bharosa toot’ta hai jab tau
Aankhoon ke kinaroon se
Chalak parta hai laawa sa
Magar hontoo se nikli sard aahain
Behtay ashkoon ko
Bana deti hain patthar ka
Phir is ke baad baaqi
Kuch nahe rehta
Jo bachta hai tau bas itna
Kisi ka maan pathar ka
Koi insaan pathar ka
Bahut komal se jazboon se bhara
Dil toot’ta hai tau
Woh phir dil nahe rehta
Seenay mein bojh hota hai …
**
