dil to kya cheez hai Jaan bhi lutaayi tujh par
tu ne magar na ki jazbaat ki qadar phir bhi
dil ke dar-o-diwaar tere rang meN range the
ujaarh tu ne diya khawaahishoN ka ghar phir bhi
teri aamad shab-e-tanhaayi meN aik hasrat thi
ummeed ki shama jalaayi ta-sahar phir bhi
dil ko sambhaalne ki ham ne buhat koshish ki
bana thokar dil ki chaahat ka har safar phir bhi
hamaara dil to pahle hi tha tukRha tukRha
teri jafa ne dhhaaye buhat qahar phir bhi
jatan ham ne buhat kiye tujhe bhulaane ke
samaayenazar meN rahte tere manzar phir bhi
ab in be-asar siskiyoN se kya haasil
kissi ka yooN to hua kaun umar bhar phoir bhi