dil se tasavvuraat kii lazzat na chheeniiye...meraa ek qit'a

Arts & Culture Poetry ( Intikhaab & Sho'ra-e-Gupshup)
1

**ahliyaan e maHfil kii Khidmat meN banda e naa_cheez kaa salaam pahoNche,

aapkii Khidmat meN ek qit’a pesh karne kii jasaarat kar rahaa huuN is ummeed-e-qawii ke saath k aapkii tab’a-e-naazuk par baar-e-giraaN na guzregaa. aapkii aaraa, tanqeed, tanqees aur Hausalah_afzaaii kaa shiddat se intizaar rahegaa. shukria.

du’aaoN kaa taalib,

_______Hashmat

dil se tasavvuraat kii lazzat na chheeniye
jalvoN kii pur_suroor lataafat na chheeniye
rahtaa huuN maHv apne KhayaaloN meN har ghaRii
mujh se taKhaiyulaat kii daulat na chheeniye!**

2

Re: dil se tasavvuraat kii lazzat na chheeniiye...meraa ek qit'a

[QUOTE]
dil se tasavvuraat kii lazzat na chheeniye
jalvoN kii pur_suroor lataafat na chheeniye
rahtaa huuN maHv apne KhayaaloN meN har ghaRii
mujh se taKhaiyulaat kii daulat na chheeniye!
[/QUOTE]

Khalil bhai bohat umda qit'a peish kia hey aap ney. Bas isi tarha navaztey raha kareiN...barri meharbaani ho gi :)

3

Re: dil se tasavvuraat kii lazzat na chheeniiye...meraa ek qit'a


**
bahooot bahooot shukria aapkii Hausalah afzaaii kaa Amal Bhai aur aapkii moHabbatoN kaa...bas janaab alfaaz ko joR jaaR kar kuchh pesh kar detaa huN. yeh to aap sab dost aHbaab kaa Husn e nazar hai varna maiN to "cheh piddi, cheh piddi kaa shorbaa" :) shukran**

4

Re: dil se tasavvuraat kii lazzat na chheeniiye…meraa ek qit’a

V Nice :crying:

5

Re: dil se tasavvuraat kii lazzat na chheeniiye...meraa ek qit'a

Awesome...

6

Re: dil se tasavvuraat kii lazzat na chheeniiye…meraa ek qit’a

thank you so much … par, tum har waqt emoti ke zarii’ye rotii kiuN rahti ho? tumhaare tasavvuraat bhii chhin gaye kia? lol :smiley: haha

thank you ji :slight_smile: