Is taraf jaein, jahan jaein bhari duniya mein
Raasta rokey teri yad khari hoti hai
Jis ne mar mar ke guzaari ho, yeh us sey poocho
Hijr ki raat bhala kitni kari hoti hai
Hanste honton sey bhi jhartey hain fasaney gham key
Khushk aankhon mein bhi sawan ki jhari hoti hai
Jab koi shakhs kahin zikr-e-wafa karta ho
Dil ko aye dosto! takleef bari hoti hai
Is tarah bethay hain woh aaj meri mehfil mein
Jis tarah sheeshay mein tasweer jari hoti hai**
…